2019 ല് ബിജെപിക്ക് ഒരിക്കലും അധികാരം ലഭിക്കില്ല, തീര്ച്ച: മോദി വാഗ്ദാനങ്ങള് പാലിക്കുന്നതില് പരാജയപ്പെട്ടുവെന്നും ചന്ദ്രബാബു നായിഡു
ബിജെപി 2019 ല് അധികാരത്തില് എത്തില്ലെന്നതു തീര്ച്ചയാണെന്ന് ആന്ധ്രാപ്രദേശ് മുഖ്യമന്ത്രി ചന്ദ്രബാബു നായിഡു. പ്രചാരകനായ പ്രധാനമന്ത്രി വാഗ്ദാനം നല്കിയതൊന്നും നടപ്പാക്കിയിട്ടില്ലെന്നും അദ്ദേഹം പറഞ്ഞു. വിജയവാഡയില് ടിഡിപി വാര്ഷിക സമ്മേളനത്തില് സംസാരിക്കുകയായിരുന്നു അദ്ദേഹം. ബിജെപി 2019 ല് അധികാരത്തിലെത്തുക എന്നത് വിദൂരമായ സ്വപ്നം മാത്രമാണ്. പ്രചാരകനായ പ്രധാനമന്ത്രി മുദ്രാവാക്യങ്ങള് മാത്രമാണ് നല്കുന്നത്. അദ്ദേഹം വാഗ്ദാനങ്ങള് പാലിക്കുന്നതില് പരാജയപ്പെട്ടു നായിഡു ആരോപിച്ചു.
നേരത്തെ കേന്ദ്രത്തില് സര്ക്കാര് രൂപീകരണത്തില് ടിഡിപി പ്രധാനപ്പെട്ട പങ്ക് വഹിച്ചിട്ടുണ്ട്. രാജ്യത്തെ രാഷ്ട്രീയ ആഖ്യാനങ്ങളെ മാറ്റിയെഴുതാനുള്ള ശക്തി പാര്ട്ടിക്കുണ്ട്. അതില്നിന്നും നമുക്ക് പിന്നോട്ടുപോകാനാവില്ലെന്നും അദ്ദേഹം പറഞ്ഞു. ആന്ധ്രാപ്രദേശിനു പ്രത്യേക പദവി നല്കുമെന്ന വാഗ്ദാനത്തില്നിന്നും
പിന്നോട്ടുപോയപ്പോഴാണ് കേന്ദ്ര സര്ക്കാരിനുള്ള പിന്തുണ പാര്ട്ടി പിന്വലിച്ചത്. ബിജെപി ആന്ധ്രയിലെ ജനങ്ങളെ വഞ്ചിച്ചിരിക്കുകയാണ്. വൈഎസ്ആര് കോണ്ഗ്രസുമായി ചേര്ന്ന് ബിജെപി സംസ്ഥാനത്ത് ക്രമസമാധാന പ്രശ്നം സൃഷ്ടിക്കാന് ശ്രമിക്കുകയാണെന്നും ചന്ദ്രബാബു നായിഡു പറഞ്ഞു.
https://www.facebook.com/Malayalivartha
