പ്രധാനമന്ത്രിയുടെ ത്രിരാഷ്ട്ര പര്യടത്തിന് ഇന്ന് തുടക്കം... ഇന്ത്യയുമായി നയതന്ത്രബന്ധമുള്ള രാജ്യങ്ങളിലാണ് പര്യടനം
പ്രധാനമന്ത്രി നരേന്ദ്ര മോഡിയുടെ ത്രിരാഷ്ട്ര പര്യടനത്തിന് ഇന്ന് തുടക്കം. ഇന്തോനീഷ്യ, സിംഗപ്പൂര്‍, മലേഷ്യ എന്നിവിടങ്ങളിലാണ് മോഡി സന്ദര്‍ശനം നടത്തുക. ഇന്ത്യയുമായി നയതന്ത്ര ബന്ധമുള്ളതാണ് മൂന്നു രാഷ്ട്രങ്ങളെന്നും അതിനാല്‍ അവിടുങ്ങളിലെ സന്ദര്‍ശനം ആക്ട് ഈസ്റ്റ് പോളിസി ഉത്തേജിപ്പിക്കാന്‍ സഹായിക്കുമെന്നും മോഡി പറഞ്ഞു.ജൂണ്‍ ഒന്നിന് സിംഗപ്പൂരില്‍ വാര്‍ഷിക സുരക്ഷായോഗത്തില്‍ മോഡി സംസാരിക്കും.
ആദ്യമായാണ് ഒരു ഇന്ത്യന്‍ പ്രധാനമന്ത്രി സിംഗപ്പൂരിലെ ഷാങ്കിരി ലാ ഡയലോഗില്‍ പ്രസംഗിക്കുന്നത്. മേഖലയിലെ സുരക്ഷാ വിഷയങ്ങളും മേഖലയില്‍ സമാധാനവും സുസ്ഥിരതയും സ്ഥാപിക്കേണ്ടതിന്റെ ആവശ്യവും ഉന്നയിക്കുമെന്ന് മോഡി വ്യക്തമാക്കി. ഇന്ന് ഇന്തോനീഷ്യയില്‍ എത്തുന്ന മോഡി, പ്രസിഡന്റ ജോകോ വിദോദോയുടെ ക്ഷണപ്രകാരം ജക്കാര്‍ത്തയില്‍ എത്തും.
നാളെ ഇരുവരും തമ്മില്‍ കൂടിക്കാഴ്ച നടത്തും. ഇന്തോഇന്തോനീഷ്യ സിഇഒ ഫോറത്തിലും മോഡി സംസാരിക്കും. ഇന്ത്യന്‍ സമൂഹത്തേയും അദ്ദേഹം അഭിസംബോധന ചെയ്യും. 31ന് സിംഗപ്പൂരില്‍ എത്തുന്ന മോഡി, പ്രധാനമന്ത്രിയും പ്രസിഡന്റുമായി കൂടിക്കാഴ്ച നടത്തും. വിവിധ പരിപാടികളില്‍ പങ്കെടുത്ത ശേഷം പിന്നീട് മലേഷ്യയിലും ഹൃസ്വ സന്ദര്‍ശനം നടത്തും.
പുതുതായി ചുമതലയേറ്റ പ്രധാനമന്ത്രി മഹാതീര്‍ മുഹമ്മദിനെ അഭിനന്ദിക്കാനും മോഡിക്ക് പരിപാടിയുണ്ട്.
https://www.facebook.com/Malayalivartha
