ഒരു കുട്ടിയുടെ അമ്മയായ തന്നെ മുതിര്ന്ന എയര്ഇന്ത്യ ഉദ്യോഗസ്ഥന് ആറുവര്ഷമായി പീഡിപ്പിക്കാന് ശ്രമിക്കുന്നു; ഇംഗിതത്തിന് വഴങ്ങാത്തതിന്റെ പേരില് അര്ഹമായ സ്ഥാനക്കയറ്റം നിഷേധിച്ചു; അധികൃതര്ക്ക് പരാതി നല്കിയിട്ടും നടപടി എടുക്കുന്നില്ലെന്ന് എയര് ഹോസ്റ്റസ്
ന്യൂഡല്ഹിയിലെ എയര്ഇന്ത്യയിലെ മുതിര്ന്ന ഉദ്യോഗസ്ഥന് ആറുവര്ഷമായി പീഡിപ്പിക്കാന് ശ്രമിക്കുന്നുവെന്ന ആരോപമവുമായി എയര് ഹോസ്റ്റസ് രംഗത്തെത്തിയിരിക്കുകയാണ്. അധികൃതര്ക്ക് പരാതി നല്കിയെങ്കിലും നടപടി ഒന്നും ഉണ്ടായില്ലെന്നും ആക്ഷേപമുണ്ട്. സംഭവം വാര്ത്തയായതോടെ ഉടന് അന്വേഷിച്ച് നടപടി എടുക്കാന് വ്യോമയാനവകുപ്പ് മന്ത്രി സുരേഷ് പ്രഭു ഉത്തവിട്ടു. ഇക്കഴിഞ്ഞ മെയ് 25ന് സുരേഷ് പ്രഭുവിന് ഇതുസംബന്ധിച്ച് പരാതി നല്കിയിരുന്നു.
കഴിഞ്ഞ വര്ഷം സെപ്റ്റംബറില് എയര്ഇന്ത്യ അധികൃതര്ക്കും യുവതി പരാതി നല്കിയിരുന്നു. ഒരു കുട്ടിയുടെ അമ്മയായ യുവതിയെ ആറു വര്ഷമായി ലൈംഗികമായി പീഡിപ്പിക്കാനാണ് എയര്ഇന്ത്യയിലെ മുതിര്ന്ന ഉദ്യോഗസ്ഥന് ശ്രമിച്ചത്. പല തവണ അയാള് ഉപദ്രവിക്കാന് ശ്രമിച്ചു. അയാളുടെ ഇംഗിതത്തിന് വഴങ്ങാത്തതിന്റെ പേരില് തനിക്ക് അര്ഹമായ സ്ഥാനക്കയറ്റങ്ങളും മറ്റ് ആനുകൂല്യങ്ങളും നിഷേധിച്ചു. നേരിട്ട് പരാതി നല്കാന് അവസരം നല്കണമെന്നും യുവതി മന്ത്രിക്ക് അയച്ച ഇമെയിലില് പറയുന്നു. പീഡിപ്പിക്കാന് ശ്രമിക്കുന്ന ഉദ്യോഗസ്ഥന്റെ പേര് നേരില് കാണുമ്പോള് വെളിപ്പെടുത്താമെന്നും യുവതി ഇമെയിലില് പറയുന്നുണ്ട്.
https://www.facebook.com/Malayalivartha
