കര്‍ണാടകത്തിലെ കോണ്‍ഗ്രസ് നേതാവ് ഡി.കെ. ശിവകുമാറിന്‍റെ അടുപ്പക്കാരുടെ വസതികളിലും ഓഫീസുകളിലും സിബിഐ റെയ്ഡ്. നിരോധിച്ച നോട്ടുകള്‍ കൈമാറ്റം ചെയ്തതുമായി ബന്ധപ്പെട്ട കേസിലാണ് റെയ്ഡ് നടന്നത്. ബംഗളൂരു, രാമനഗര, കനകപുര എന്നിവിടങ്ങളിലെ ഓഫീസുകളിലും വീടുകളിലുമാണ് സിബിഐ പരിശോധന നടത്തിയത്.

അതേസമയം, കേന്ദ്രത്തിലെ ബിജെപി സര്‍ക്കാരിന്‍റെ പ്രതികാര നടപടിയാണിതെന്ന് ഡി.കെ. ശിവകുമാര്‍ മാധ്യമങ്ങളോട് പറഞ്ഞു. കര്‍ണാടകയില്‍ ബിജെപിയുടെ കുതിരക്കച്ചവട ശ്രമങ്ങളെ പ്രതിരോധിച്ചു കോണ്‍ഗ്രസ്-ജെഡിഎസ് സഖ്യ ഗവണ്‍മെന്‍റ് രൂപീകരിക്കുന്നതില്‍ മുഖ്യ പങ്ക് വഹിച്ച നേതാവാണ് ഡി.കെ. ശിവകുമാര്‍.