ബി.ജെ.പിക്ക് തിരിച്ചടി !! ; 2019ലെ ലോക്സഭ തെരഞ്ഞെടുപ്പില് ഒരുമിച്ച് മല്സരിക്കാന് കോണ്ഗ്രസ്-ജെ.ഡി.എസ് ധാരണ
2019ലെ ലോക്സഭ തെരഞ്ഞെടുപ്പില് ഒരുമിച്ച് മല്സരിക്കാന് കോണ്ഗ്രസ്-ജെ.ഡി.എസ് ധാരണ. കര്ണാടകയുടെ ചുമതലയുള്ള എ.ഐ .സി.സി ജനറല് സെക്രട്ടറി കെ.സി വേണുഗോപാലാണ് സഖ്യതീരുമാനം മാധ്യമങ്ങളെ അറിയിച്ചത്. കൂടാതെ കര്ണാടക മന്ത്രിസഭയുടെ രൂപീകരണം സംബന്ധിച്ച ചര്ച്ചകള് പൂര്ത്തിയാക്കിയതായും കോണ്ഗ്രസ്-ജെ.ഡി.എസ, നേതൃത്വങ്ങള് അറിയിച്ചു. മുഖ്യമന്ത്രി എ.എച്ച്.ഡി കുമാരസ്വാമി, ഉപമുഖ്യമന്ത്രി ജി.പരമേശ്വര, മുന് മുഖ്യമന്ത്രി സിദ്ധരാമയ്യ എന്നിവരും വാര്ത്ത സമ്മേളനത്തില് പങ്കെടുത്തിരുന്നു.
ധാരണപ്രകാരം ധനകാര്യ വകുപ്പ് ജെ.ഡി.എസിനും അഭ്യന്തരം കോണ്ഗ്രസിനുമാണ് നല്കുക. കോണ്ഗ്രസിന് 22 മന്ത്രിമാര് ലഭിക്കും. അഭ്യന്തരത്തിന് പുറമേ ജലസേചനം, ആരോഗ്യം, കൃഷി, വനിത-ശിശുക്ഷേമം തുടങ്ങിയ വകുപ്പുകള് കോണ്ഗ്രസിന് ലഭിക്കും. ജെ.ഡി.എസിന് 12 മന്ത്രിമാരാണ് ഉണ്ടാവുക. ധനകാര്യം, എക്സ്സൈസ്, പൊതുമരാമത്ത്, വിദ്യാഭ്യാസം, ടൂറിസം, ഗതാഗതം എന്നിവയാണ് ജെ.ഡി.എസിന് ലഭിച്ച സുപ്രധാന വകുപ്പുകള്. മന്ത്രിമാരുടെ സത്യപ്രതിജ്ഞ ബുധനാഴ്ച നടക്കും.
മുഖ്യമന്ത്രിയായി എച്ച്.ഡി കുമാരസ്വാമിയും ഉപമുഖ്യമന്ത്രിയായി ജി.പരമേശ്വരയും സത്യപ്രതിജ്ഞ ചെയ്തുവെങ്കിലും വകുപ്പ് വിഭജനം പൂര്ത്തിയായിരുന്നില്ല. കോണ്ഗ്രസും ജെ.ഡി.എസും തമ്മില് മന്ത്രിസഭ വിഭജനവുമായി ബന്ധപ്പെട്ട തര്ക്കങ്ങള് ഉണ്ടായിരുന്നതായി റിപ്പോര്ട്ടുകളുണ്ടായിരുന്നു.
https://www.facebook.com/Malayalivartha
