കേന്ദ്ര കായിക മന്ത്രി രാജ്യവര്‍ധന്‍ റത്തോഡ് തുടങ്ങിവച്ച ഫിറ്റ്‌നസ് ചലഞ്ച് ഇന്ന് രാജ്യത്തുടനീളം മിക്കവരും ഏറ്റെടുത്തിരിക്കുകയാണ് . സിനിമാ താരങ്ങളും രാഷ്ട്രീയ പ്രവര്‍ത്തകരും അടക്കം നിരവധിയാളുകള്‍ ചലഞ്ച് ഏറ്റെടുത്ത് രംഗത്തെത്തി. നടന്‍ മോഹന്‍ലാല്‍ അടക്കമുള്ള മലയാളികളും ഫിറ്റനസ് ചലഞ്ചിന്റെ ഭാഗമാകുന്നുണ്ട്. ജിമ്മിലോ വീട്ടിലോ ഏതെങ്കിലും തരത്തിലുള്ള വര്‍ക്കൗട്ട് ചെയ്യുന്നതിന്റെ വീഡിയോ ആണ് പലരും സോഷ്യല്‍മീഡിയകളില്‍ പോസ്റ്റ് ചെയ്യുന്നതാണ് ചലഞ്ചിന്റെ രീതി

എന്നാല്‍ വളരെവെത്യസ്ഥമായി എല്ലാവരില്‍ നിന്നും വ്യത്യസ്തയാവുകയാണ് നടിയും മോഡലുമായ ഇഷ തല്‍വാര്‍. പലരും തങ്ങളുടെ ശരീര പുഷ്ടിയും ഫിറ്റ്‌നസുമൊക്കെ തെളിയിക്കുന്ന വിഡിയോയും ചിത്രങ്ങളും പങ്കുവച്ചപ്പോള്‍ ഇഷ പങ്കുവച്ച വിഡിയോയാണ് ഇപ്പോള്‍ തരംഗമാകുന്നത്. ജിമ്മിലൊന്നും പോകാതെ തന്നെ തന്റെ ആരോഗ്യത്തിന്റെ രഹസ്യം വെളിപ്പെടുത്തുകയാണ് ഇഷ. നിലം തുടയ്ക്കാനുള്ള യാതൊരു ഉപകരണവും ഉപയോഗിക്കാതെ തുണി ഉപയോഗിച്ച് നിലത്തിരുന്നു കൊണ്ട് തറ തുടച്ചാണ് ഇഷ ചലഞ്ച് സ്വയം ഏറ്റെടുത്തത്.

ആരും തന്നെ വെല്ലുവിളിച്ചിട്ടില്ലെന്നും സ്വയം വീട്ടിലെ കാര്യങ്ങള്‍ ചെയ്തുകൊണ്ട് ചലഞ്ച് ഏറ്റെടുക്കുകയാണെന്നുമാണ് നടി ഇന്‍സ്റ്റഗ്രാമില്‍ പങ്കുവച്ച വിഡിയോയില്‍ പറയുന്നത്. വീഡിയോ കണ്ടവരെല്ലാം നടിക്ക് അഭിനന്ദനം അറിയിച്ചപ്പോള്‍. ഇങ്ങനെയാവണം ചലഞ്ച് ഏറ്റെടുക്കേണ്ടതെന്നും എല്ലാ അഭിനേതാക്കള്‍ക്കും ഇതൊരു മാതൃകയാണെന്നും സിനിമാതാരങ്ങളെക്കുറിച്ചുള്ള പല തെറ്റിദ്ധാരണകളും മാറ്റാന്‍ ഇത് സഹായകമാണെന്നുമുള്ള അഭിപ്രായവും പലരില്‍ നിന്നും ഉയരുന്നുണ്ട്.