വിനോദയാത്രയ്ക്കു പോയ ഒരു കുടുംബത്തിലെ അഞ്ചു പേര് കടലില് മുങ്ങി മരിച്ചു
അവധി ആഘോഷിക്കാനെത്തിയ ഒരു കുടുംബത്തിലെ അഞ്ച് പേര് കടലില് മുങ്ങിമരിച്ചു. മഹാരാഷ്ട്രയിലെ രത്നഗിരി ബീച്ചിലാണ് സംഭവമുണ്ടായത്. മുംബയ് ബോറിവലി സ്വദേശികളായ ഏഴ് പേരാണ് വിനോദയാത്രയ്ക്കായി ഇവിടെയെത്തിയത്. എന്നാല് രണ്ട് പേര് കടലില് ഇറങ്ങാത്തതിനാല് രക്ഷപ്പെട്ടു. കെന്നത്ത് മാസ്റ്റര്, മോണിക്ക, സനോമി, മാത്യൂ, റേച്ചര് എന്നിവരാണ് മരിച്ചത്.
ശനിയാഴ്ച മുതല് പ്രദേശത്ത് കനത്ത മഴ നിലനിന്നിരുന്നു. ഇത് വകവയ്ക്കാതെ കടലില് ഇറങ്ങിയതാണ് അപകടത്തിന് ഇടയാക്കിയത്. കനത്ത മൂടല് മഞ്ഞ് മൂലം കാഴ്ച മറഞ്ഞതും അപകട കാരണമായി. കടല് തീരത്ത് രൂപം കൊണ്ട കടല്ച്ചുഴിയില് പെട്ട കുടുംബാംഗങ്ങള് മുങ്ങിത്താഴുകയായിരുന്നു.
പ്രതികൂല കാലാവസ്ഥ മൂലം രക്ഷാപ്രവര്ത്തകര്ക്കും ഇങ്ങോട്ട് അടുക്കാനായില്ല. ഏറെ നേരം കഴിഞ്ഞ് മൃതദേഹങ്ങള് തീരത്ത് അടിയുകയായിരുന്നു. ആശുപത്രിയില് സൂക്ഷിച്ചിരിക്കുന്ന മൃതദേഹങ്ങള് പോസ്റ്റ്മോര്ട്ടത്തിന് ശേഷം പിന്നീട് സംസ്ക്കരിക്കും.
https://www.facebook.com/Malayalivartha
