2019ൽ നടക്കുന്ന ​തെരഞ്ഞെടുപ്പിൽ പാർട്ടിക്ക്​ പിന്തുണ തേടി ബി.ജെ.പി അധ്യക്ഷൻ അമിത്​ ഷാ, യോഗ ഗുരു ബാബാ രാംദേവുമായി കൂടിക്കാഴ്​ച നടത്തി. പിന്തുണക്ക്​ ബന്ധപ്പെടുകയെന്ന കാമ്പയിന്റെ ഭാഗമായായിരുന്നു​ കൂടിക്കാഴ്​ച്ച.താൻ അദ്ദേഹത്തിന്റെ പിന്തുണക്കായാണ്​ എത്തിയത്​. തനിക്കു പറയാനുളതെല്ലാം അദ്ദേഹം ക്ഷമയോടെ കേട്ടു. തങ്ങളുടെ പ്രവർത്തനം സംബന്ധിച്ച വിവരം അദ്ദേഹത്തിനു നൽകി. ബാബാ രാംദേവിന്റെ സഹായം ലഭിച്ചാൽ തങ്ങൾക്ക്​ അദ്ദേഹത്തിന്റെ കോടിക്കണക്കിന്​ അനുയായികളിലേക്ക്​ എത്താനാവുമെന്നും അമിത്​ ഷാ പറഞ്ഞു.ബി.ജെ.പിയെ നേരത്തേ പിന്തുണച്ചിരുന്ന 50 വ്യക്തത്വങ്ങളെ നേരിൽ കണ്ട്​ പിന്തുണ തേടാൻ ആസൂത്രണം ചെയ്​തിട്ടുണ്ട്​. മുൻ കരസേന മേധാവി ദൽബീർ സുഹാഗ്​, ഭരണഘടന വിദഗ്​ധൻ സുഭാഷ്​ കശ്യപ്​, മുൻ ഇന്ത്യൻ ക്രിക്കറ്റ്​ താരം കപിൽദേവ്​ എന്നിവരുമായും കൂടിക്കാഴ്​ച നടത്തിയിട്ടുണ്ട്​.