മഹാത്മാ ഗാന്ധിയുടെ ഘാതകന്റെ പ്രസ്താനമാണ് ആര്.എസ്.എസ്; ഹിന്ദുത്വമാണ് അവരുടെ അടിസ്ഥാന തത്വം; ആര്.എസ്.എസ് പരിപാടിയില് പങ്കെടുക്കരുത്; പ്രണബ് മുഖര്ജിക്ക് കോണ്ഗ്രസ് നേതാവിന്റെ തുറന്നകത്ത്
ആര്.എസ്.എസ് പരിപാടിയില് പങ്കെടുക്കാനുള്ള തീരുമാനം പുനപരിശോധിക്കണമെന്ന് ആവശ്യപ്പെട്ട് പ്രണബ് മുഖര്ജിക്ക് അസമിലെ പി.സി.സി അധ്യക്ഷനും എം.പിയുമായ റിപുന് ബോറയുടെ തുറന്ന കത്ത്. കോണ്ഗ്രസ് ഉയര്ത്തിപ്പിടിക്കുന്ന മതനിരപേക്ഷതയെ എന്നും എതിര്ക്കുന്ന പ്രസ്താനമാണ് ആര്.എസ്.എസ് എന്നും റിപുന് കത്തില് ചൂണ്ടിക്കാട്ടി.
മതനിരപേക്ഷത തകര്ക്കാനുള്ള നീക്കം ശക്തമായിരിക്കുന്ന കാലഘട്ടത്തിലാണ് പ്രണബ് ആര്.എസ്.എസ് പരിപാടിയില് പങ്കെടുക്കുന്നതെന്ന് അദ്ദേഹം വിമര്ശിച്ചു. രാഷ്ട്രപിതാവ് മഹാത്മാ ഗാന്ധിയുടെ ഘാതകന്റെ പ്രസ്താനമാണ് ആര്.എസ്.എസ്. ആര്.എസ്.എസിനെ റിപ്പബ്ലിക് ദിന പരേഡിലേക്ക് നെഹ്റു വിളിച്ചത് അന്നത്തെ സവിശേഷ സാഹചര്യം പരിഗണിച്ചായിരുന്നു. അതുകൊണ്ട് പ്രണബ് ഈ തീരുമാനം പുനഃപരിശോധിക്കണമെന്ന് റിപുന് ആവശ്യപ്പെട്ടു. ദേശീയ പതാകയെപ്പോലും അംഗീകരിക്കാത്ത പ്രസ്ഥാനമാണ് ആര്.എസ്.എസ്. ഹിന്ദുത്വമാണ് അവരുടെ അടിസ്ഥാന തത്വം. ഇന്ത്യയുടെ പ്രത്യേകതയായ ബഹുസ്വരതയില് അവര് വിശ്വസിക്കുന്നില്ല. അത്തരത്തില് പ്രവര്ത്തിക്കുന്ന സംഘടനയുടെ പരിപാടിയില് പ്രണബ് പങ്കെടുക്കരുതെന്ന് രണ്ട് പേജുള്ള കത്തില് റിപുന് ആവശ്യപ്പെട്ടു.
https://www.facebook.com/Malayalivartha
