ഗുജറാത്ത് എം.എല്‍.എയും ദളിത് ന്യൂനപക്ഷാവകാശ പ്രവര്‍ത്തകനുമായ ജിഗ്‌നേഷ് മേവാനിക്ക് വധഭീഷണി. ജിഗ്നേഷ് തന്നെയാണ് ഇക്കാര്യം ട്വിറ്ററിലൂടെ അറിയിച്ചത്.

7255932433 എന്ന ഫോണ്‍ നമ്ബറില്‍ നിന്നും തന്റെ നമ്ബറിലേക്ക് വന്ന കോളില്‍ തന്നെ വെടിവച്ചു വീഴ്ത്തുമെന്ന് ഭീഷണിയുണ്ടായതായാണ് മേവാനിയുടെ ട്വീറ്റ്. ജിഗ്നേഷിന്റെ നമ്ബര്‍ ഇപ്പോള്‍ ഉപയോഗിക്കുന്ന സഹപ്രവര്‍ത്തകന്‍ കൗശിക് പാര്‍മറിനാണ് കോള്‍ ലഭിച്ചതെന്നും, കൗശിക് തന്നെ വിളിച്ച്‌ കാര്യം അറിയിച്ചുവെന്നും മേവാനി പറഞ്ഞു.