രാഹുല്‍ വെറും കുട്ടിയാണെന്നാണ് അമിത്ഷാ രാഹുല്‍ ഗാന്ധിയെ പരിഹസിച്ചത്. അതുപോലെതന്നെ പല സംസ്ഥാനങ്ങളിലും ഭരണം നഷ്ടപ്പെട്ടിട്ടും ഉപതെരഞ്ഞെടുപ്പുകളില്‍ നേടിയ വിജയത്തില്‍ മാത്രം ആനന്ദിക്കുന്നവരാണ് കോണ്‍ഗ്രസുകാരെന്നും ബിജെപി അധ്യക്ഷന്‍ പറഞ്ഞു. 

ബിജെപി വെറും എട്ടു ഉപതെരഞ്ഞെടുപ്പുകളില്‍ മാത്രമാണ് പരാജയപ്പെട്ടിരിക്കുന്നത്. എന്നാല്‍ 14 സംസ്ഥാനങ്ങളിലെ ഭരണം പിടിച്ചെടുത്തിരിക്കുന്നു. രാജ്യത്ത് ഒന്നും നടക്കുന്നില്ലെന്നാണ് രാഹുല്‍ ഗാന്ധി പറയുന്നത്. എന്നാല്‍, കഴിഞ്ഞ എഴുപത് വര്‍ഷമായി നിങ്ങളുടെ മൂന്നു മുന്‍തലമുറകള്‍ ഇവിടെ എന്തു ചെയ്യുകയായിരുന്നു എന്ന് കുട്ടിയായ രാഹുല്‍ ഗാന്ധി വ്യക്തമാക്കണമെന്നും അമിത്ഷാ പറഞ്ഞു. പ്രതിപക്ഷം എന്നത് ചിത്രത്തില്‍ തന്നെ ഇല്ലാതായിരിക്കുന്നു. എപ്പോഴാണ് രാഹുല്‍ ഗാന്ധി അവധിയാഘോഷിക്കാന്‍ വിദേശത്തേക്കു പോകുന്നതെന്നോ തിരിച്ചു വരുന്നതെന്നോ ആര്‍ക്കും അറിയാന്‍ കഴിയില്ല. മറ്റു പല പാര്‍ട്ടികളുടെയും ആത്മാവ് എന്നത് നേതാക്കള്‍ ആകുമ്പോള്‍ ബിജെപിയുടെ ആത്മാവ് എന്നു പറയുന്നത് ജനങ്ങളാണെന്നും അമിത്ഷാ.