സൗദി ഫാമിലി വിസ കാലപരിധിയിൽ മാറ്റങ്ങൾ ..വിസ കാലാവധി വെട്ടിക്കുറച്ചു
സൗദിയിലേക്ക് പോകുന്നതിനു കുടുംബത്തിനും ആശ്രിതര്‍ക്കുമുള്ള വിസകളില്‍ നിയന്ത്രണം ഏർപ്പെടുത്തി .ഇപ്പോള്‍ ഒരു മാസത്തേക്കും ഒരു വര്ഷത്തേക്കും മാത്രമാണ് ബിസിനസ്, ഫാമിലി വിസകള്‍ ലഭിക്കുന്നത് . മുന്നൂറ് റിയാലാണ് രണ്ട് വിസകള്‍ക്കും ഫീസെന്ന് ട്രാവല്‍ ഏജൻസികൾ അറിയിച്ചു.
മുൻപ് രണ്ട് വര്ഷത്തേക്കും, ആറ് മാസത്തേക്കും മൂന്ന് മാസത്തേക്കുമുണ്ടായിരുന്ന വിസകൾ ഇപ്പോള്‍ ലഭ്യമാകുന്നില്ല.
ന്ന് മാസത്തേക്ക് വിസയെടുത്ത് സൗദിയിൽ എത്തിയാൽ വീണ്ടും മൂന്ന് മാസത്തേക്ക് കൂടി പുതുക്കുന്ന രീതിയായിരുന്നു ഫാമിലി വിസകളില്‍ ഉണ്ടായിരുന്നത് . എന്നാല്‍ പുതിയ രീതി പ്രകാരം ഒരു മാസത്തേക്ക് മാത്രമാണ് വിസ ലഭിക്കുക. ഇതൊരു മാസത്തേക്ക് കൂടി മാത്രമേ പുതുക്കാനാവുകയുള്ളൂ
ഒരു വര്‍ഷത്തെ മള്‍ട്ടിപ്പിള്‍ എന്‍ട്രി വിസയില്‍ മൂന്ന് മാസത്തിന് ശേഷം രാജ്യത്തിന് പുറത്ത് പോയി വരണം. ഏത് വിസയെടുത്താലും ഇപ്പോള്‍ മുന്നൂറ് റിയാലാണ് ഫീസ്. ഇതിനാല്‍ ദീര്‍ഘ കാല താമസം ആലോചിക്കുന്നവര്‍ക്ക് കുറഞ്ഞ നിരക്കില്‍ ഒരു വര്‍ഷത്തേക്കുള്ള വിസ ലഭിക്കും. എന്നാല്‍ മൂന്ന് മാസത്തിന് ശേഷം രാജ്യത്തിന് പുറത്ത് പോയി വരേണ്ടതിനാല്‍ ടിക്കറ്റിനത്തില്‍ തന്നെ നല്ല തുക ചെലവാകും.
കഴിഞ്ഞ ദിവസം മുതല്‍ മൂന്ന് മാസത്തെ ഫാമിലി വിസകള്‍ക്ക് അപേക്ഷിച്ചവര്‍ക്ക് ഒരു മാസത്തേക്കാണ് അനുമതി ലഭിച്ചതെന്ന് സൗദിയിലേയും കേരളത്തിലേയും ട്രാവല്‍ ഏജന്‍സികള്‍ അറിയിച്ചു. ‘സിസ്റ്റം അപ്ഡേഷ’നാണെന്ന സംശയത്തില്‍ ചിലര്‍ സ്റ്റാമ്പിങ് താല്‍ക്കാലികമായി നിര്‍ത്തി വെച്ചിട്ടുണ്ട്. അതേ സമയം യുഎസ്, യു.കെ, ഫ്രാന്‍സ്, സൌത്ത് കൊറിയ, ജപ്പാന്‍ എന്നിവര്‍ക്ക് നേരത്തെയുള്ള രീതി തുടരുന്നുമുണ്ട്
https://www.facebook.com/Malayalivartha
