കോവിഡ് മഹാമാരിക്കാലത്ത് അകന്നു നിന്നുകൊണ്ടു ഒപ്പം ചേരാം എന്ന സന്ദേശമുയര്ത്തി സംഘടിപ്പിച്ച MAQNA - Mrs. Malayali Queen North America പങ്കാളിത്തം കൊണ്ടും, സംഘാടക മികവ് കൊണ്ടും, പ്രാതിനിധ്യം കൊണ്ടും ശ്രേദ്ധേയമായി . പ്രവാസ ലോകത്ത് ജീവിതം കരുപ്പിടിപ്പിക്കാനുള്ള ഓട്ടത്തിനിടയില് എവിടെയോക്കയോ നഷ്ടപ്പെടുന്ന സര്ഗ്ഗവാസനകളെ തിരിച്ചുകൊണ്ടുവരിക എന്ന ലക്ഷ്യത്തിന്നായി പ്രവര്ത്തിക്കുന്ന “EZRA EVENTS ” ഒരുകൂട്ടം പ്രവാസി മലയാളികളുടെ പ്രസ്ഥാനമാണ്.

“EZRA EVENTS ” ഈ ലോക്ക്ഡൗൺ കാലഘട്ടത്തില് സംഘടിപ്പിച്ച മാതൃകാപരമായ പരിപാടിയായിരുന്നു MAQNA -Mrs. Malayali Queen North America. തികച്ചും കോവിഡ് പ്രോട്ടോക്കോള് പാലിച്ചുകൊണ്ടു തികവാര്ന്ന സാങ്കേതിക മികവോടെ ഓണ്ലൈന് പ്ലാറ്റ്ഫോമിൽ സംഘടിപ്പിച്ചു. നോര്ത്ത് അമേരിക്കയില് ഉള്ള മലയാളി വീട്ടമ്മമാരുടെ സർഗ്ഗവാസനയെ പുറത്തേക്കു കൊണ്ടുവരാനുള്ള ഒരു വേദി ഒരുക്കികൊടുക്കുവാൻ കൂടിയാണ് ഇത്തരത്തിലുള്ള ഒരു സൗന്ദര്യ മത്സരം സംഘടിപ്പിച്ചതെന്ന് മുഖ്യ സംഘാടകയും കാനഡയില് സ്ഥിരതാമസവുമാക്കിയ തിരുവനന്തപുരം സ്വദേശി സയോണ സംഗീത് പറഞ്ഞു.

അന്പതിലധികം എൻട്രികളിൽ നിന്നും അവസാന റൗണ്ടിലെത്തിയ ഒന്പതുപേര്ക്ക് പ്രഗല്ഭരായ കലാകാരന്മാരുടെ നേതൃത്വത്തിൽ പ്രാഥമിക പരിശീലനം നല്കുകയും, അതിൻ്റെ ആത്മവിശ്വാസത്തിൽ ഫൈനൽ റൗണ്ടിൽ പ്രവേശിക്കുകയും ചെയ്തു. ഒരുപക്ഷേ ഇതരത്തിലുള്ള ഒരു ഓൺലൈൻ സൗന്ദര്യ മത്സരം ഇത് ആദ്യത്തേതാണ്. മത്സരാർത്ഥികൾ അവരവരുടെ വീടുകളിൽ നിന്നുമാണ് മത്സരത്തിൽ പങ്കെടുത്തിരുന്നത് . കുറച്ചുനേരത്തേക്ക് വീടുകൾ വാക്കിങ് റാമ്പ് ആയിമാറിയ വ്യത്യസ്ഥമായ അനുഭവമാണ് കാണാൻ കഴിഞ്ഞത്.മത്സരത്തിന്റെ പ്രധാന വിധികർത്താക്കളായി പ്രശസ്ത നടിയും നർത്തകിയുമായ നവ്യ നായർ ആലപ്പുഴയിലെ അവരുടെ വസതിയിൽ നിന്നും, പ്രശസ്ത സെലിബ്രിറ്റി മേക്കപ്പ് ആര്ട്ടിസ്റ്റ് രഞ്ചു രഞ്ജിമാർ എറണാകുളത്തു നിന്നും, പ്രശസ്ത മോഡലും , മിസ്റ്റർ കേരളാ top 10 മത്സരത്തിയായ ജിതിൻ എ ലൂക്ക് കൊല്ലത്തു നിന്നും മത്സരം നിയന്ത്രിക്കുകയും വിധി പ്രസ്താവിക്കുകയും ചെയ്തു. കൂടാതെ ഐഡിയ സ്റ്റാർ സിങ്ങർ എന്ന റിയാലിറ്റി ഷോയിലൂടെ പ്രേക്ഷക ഹൃദയം പിടിച്ചു പറ്റിയ പ്രശസ്ത പിന്നണി ഗായകൻ നിതിൻ രാജിന്റെ സംഗീത വിരുന്നും പരിപാടിക്ക് മാറ്റു പകർന്നു. കപ്പ ടീവി ഫെയിം സിന്തിയ ലവിന്ടെ മികവുറ്റ അവതരണം ശ്രേദ്ധേയമായി.

MAQNA -Mrs Malayali Queen North America ആയി ദിയ മോഹൻ , ഫസ്റ്റ് റണ്ണർ അപ്പ് ആയി മേഘ പുത്തൂരാൻ , സെക്കൻഡ് റണ്ണർ അപ്പ് ആയി അഞ്ജന ഗ്രേസ് പ്രിൻസ് എന്നിവരെ തിരഞ്ഞെടുത്തു. മത്സരത്തിന്റെ മുഖ്യ ക്രിയേറ്റീവ് ഡിറക്ടർമാരായ സയോണ സംഗീതും നിവിൻ പെരേരയും അടുത്ത സീസൺ വരും മാസങ്ങളിൽ ഉണ്ടായിരിക്കും എന്നും അറിയിച്ചു.