ദുബൈയിൽ ഹൃ​ദ​യാ​ഘാ​തം മൂ​ലം മലയാളി വ്യവസായി മരിച്ചു. കോ​ഴി​ക്കോ​ട് ന​ടു​വ​ണ്ണൂ​ർ സ്വ​ദേ​ശി കി​ഴ​ക്കോ​ട്ട് ക​ട​വ് സികെ കോ​ട്ടേ​ജി​ൽ സി.കെ.മുഹമ്മദ്  (53) ആണ് മ​രി​ച്ചത്. കോൺഗ്രസിന്റെ സജീവ പ്രവർത്തകനും നടുവണ്ണൂർ നാഷനൽ ബിൽഡേഴ്സ് സ്ഥാപകനും വിവിധ വ്യാപാര സ്ഥാപനങ്ങളുടെ ഉടമയുമാണ്.

പി​താ​വ്​: പ​രേ​ത​നാ​യ ചെ​ല്ല​ട്ടാ​ൻ ക​ണ്ടി അ​ബ്ദു​ല്ല. മാ​താ​വ്​: മ​റി​യം. റ​സീ​ന​യാ​ണ് ഭാ​ര്യ. മ​ക്ക​ൾ: അ​ഖി​ത ജു​സൈ​റ, ഡോ. ​റി​സ് വാ​ന, മു​ഹ്സി​ന, അ​ർ​ഫി​ൻ മു​ഹ​മ്മ​ദ്.  മൃ​ത​ദേ​ഹം തി​ങ്ക​ളാ​ഴ്ച നാ​ട്ടി​ലെ​ത്തി​ച്ച ശേ​ഷം ഖ​ബ​റ​ട​ക്കും.

അതേസമയം സൗദിയിൽ പക്ഷാഘാതത്തെ തുടർന്ന് ചികിത്സയിലായിരുന്ന പ്രവാസി യുവാവ് മരിച്ചു. മലപ്പുറം കരുവാരകുണ്ട് കണ്ണത്ത് മഹല്ലിൽ കിഴക്കേത്തലയിൽ താമസിക്കുന്ന ഷൈജു (35) സൗദി തെക്കൻ പ്രവിശ്യയിലെ ബിഷയിൽ മരിച്ചത്. രണ്ട് മാസം മുമ്പ് പക്ഷാഘാതം ബാധിച്ച് ബിഷ ജനറൽ ആശുപത്രിയിൽ ചികിത്സയിൽ കഴിയുന്നതിനിടയിലാണ് മരണം.

ബിഷക്കടുത്ത് റാനിയയിൽ ബഖാല ജീവനക്കാരനായിരുന്നു. എട്ട് മാസം മുമ്പാണ് അവധിക്ക് നാട്ടിൽപോയി തിരിച്ചെത്തിയത്. മൃതദേഹം തത്ലീസ് ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുന്നു. ഭാര്യയും രണ്ടുമക്കളുമുണ്ട്. പിതാവ്: പരേതനായ പൂഴിക്കുന്നൻ ഉമർ, മാതാവ്: ജമീല, സഹോദരങ്ങൾ: ഹുസൈർ ബാബു, നിസാർ, ഹസീന.