തൊഴില്‍പരാതികള്‍ ഇനി മുതല്‍ ഓണ്‍ലൈനായി മാത്രം
മസ്‌കറ്റില്‍ തൊഴില്‍പരാതികള്‍ ഇനി മുതല്‍ ഓണ്‍ലൈനായി മാത്രം. തുടക്കത്തില്‍ മസ്‌കത്തില്‍ നടപ്പാക്കുന്ന ഈ സംവിധാനം ഭാവിയില്‍ മറ്റു പ്രവിശ്യകളിലേക്കും വ്യാപിപ്പിക്കും.
സര്‍ക്കാര്‍ നടപടിക്രമങ്ങള്‍ പൂര്‍ണമായും ഓണ്‍ലൈന്‍ വഴിയാക്കുന്നതിന്റെ ഭാഗമായാണ് പുതിയ സംവിധാനം കൊണ്ടുവരുന്നത്. കഴിഞ്ഞ മാസം അവസാന വാരം മുതല്‍ ഇത് പരീക്ഷണാടിസ്ഥാനത്തില്‍ നടപ്പിലാക്കി വരികയായിരുന്നു. പരീക്ഷണഘട്ടത്തില്‍ തന്നെ 512 പരാതികളാണ് ഓണ്‍ലൈനായി തൊഴില്‍ മന്ത്രാലയത്തിന് ലഭിച്ചത്. ഉടന്‍ തന്നെ ഈ സേവനം മറ്റ് ഗവര്‍ണേറ്റുകളിലേക്ക് വ്യാപിപ്പിക്കും.
ഇതിനു പുറമേ കൂടുതല്‍ സേവനങ്ങള്‍ ഓണ്‍ലൈന്‍ മുഖേനയാക്കുകയും ചെയ്യും. ഓണ്‍ലൈന്‍ അപേക്ഷാഫോറം പൂരിപ്പിക്കാന്‍ ബുദ്ധിമുട്ട് അനുഭവപ്പെടുന്നവര്‍ക്ക് മന്ത്രാലയത്തിന്റെ അംഗീകാരമുള്ള സനദ് സെന്ററുകളുടെ സേവനവും തേടാവുന്നതാണ്. പരാതി നല്‍കുന്നതിന്റെ ആദ്യ പടിയായി തിരിച്ചറിയല്‍ കാര്‍ഡുകള്‍ ഇസര്‍ട്ടിഫിക്കേഷന്‍ ചെയ്യണം. 
2015 ജൂലൈ 15നുശേഷം ലഭിച്ച റെസിഡന്റ് കാര്‍ഡുകള്‍ക്കാണ് ഇസര്‍ട്ടിഫിക്കേഷന്‍ ലഭ്യമാവുക. രാജ്യത്തെ 33 കേന്ദ്രങ്ങളിലുള്ള ഇന്‍ഫര്‍മേഷന്‍ ടെക്‌നോളജി അതോറിറ്റിയുടെ സബ് സെന്ററുകളില്‍ ഇസര്‍ട്ടിഫിക്കേഷന്‍ ലഭ്യമാണ്. www.manpower.gov.om http:/www.manpower.gov.om എന്ന... വെബ്‌സൈറ്റ് വഴിയാണ് പരാതികള്‍ സമര്‍പ്പിക്കേണ്ടത്.
https://www.facebook.com/Malayalivartha
