ഷാര്‍ജയിലെ ബഹുനിലക്കെട്ടിടത്തില്‍ വന്‍ തീപിടിത്തം. ഷാര്‍ജ-ദുബൈ ഹൈവേയായ അല്‍ ഇത്തിഹാദ് റോഡില്‍ സഫീര്‍ മാളിന് എതിര്‍ ഭാഗത്തുള്ള 20 നിലകളുള്ള അല്‍ ബന്ദരി ട്വിന്‍ ടവറിന്റെ ബി ബ്‌ളോക്കിലെ 13-ാം നിലയിലാണ് ആദ്യം തീപിടിച്ചത്. പെട്ടെന്ന് മറ്റ് ഫ്‌ളാറ്റുകളിലേക്ക് വ്യാപിക്കുകയായിരുന്നുവെന്ന് ദൃക്‌സാക്ഷികള്‍ പറഞ്ഞു. ലക്ഷങ്ങളുടെ നഷ്ടമാണ് ഉണ്ടായിരിക്കുന്നത്. അപകടകാരണം വ്യക്തമായിട്ടില്ല. അവധി ദിവസമായതിനാല്‍ നിരവധി പേര്‍ കെട്ടിടങ്ങളിലുണ്ടായിരുന്നു. ആളപായം ഉണ്ടായിട്ടില്ല. തീപടരുന്നത് കണ്ടവര്‍ ഉടനെ തന്നെ വിവരം മറ്റുള്ളവരെ അറിയിച്ചതിനാല്‍ വന്‍ ദുരന്തം ഒഴുവായി. പുകശ്വസിച്ച് ചിലര്‍ക്ക് അസ്വസ്ഥത അനുഭവപ്പെട്ടെങ്കിലും പാരമെഡിക്കല്‍ വിഭാഗം ഇവരുടെ രക്ഷക്കെത്തി. കെട്ടിടത്തിലുണ്ടായിരുന്നവര്‍ ഗോവണി വഴിയാണ് രക്ഷപ്പെട്ടത്. കെട്ടിടങ്ങളില്‍ നിന്ന് പുറത്തിറങ്ങാന്‍ പ്രയാസപ്പെട്ടവരെ സിവില്‍ഡിഫന്‍സും പൊലീസും ചേര്‍ന്നാണ് പുറത്തത്തെിച്ചു.

തീപിടിത്തത്തെ തുടര്‍ന്ന് അല്‍ ഇത്തിഹാദ് റോഡിലെ ഷാര്‍ജദുബൈ ദിശയിലെ റോഡ് താല്‍ക്കാലികമായി അടച്ചത് വന്‍ ഗതാഗത കുരുക്കിന് കാരണമായി. കത്തിയ ഫ്‌ളാറ്റുകളെല്ലാം ഉപയോഗിക്കാന്‍ പറ്റാത്ത അവസ്ഥയിലാണ്. കെട്ടിടത്തിലുണ്ടായിരുന്നവര്‍ ഗോവണി വഴിയാണ് പുറത്തത്തെിയത്. എന്നാല്‍ വയോധികര്‍ക്കും സ്ത്രീകള്‍ക്കും കുട്ടികള്‍ക്കും ഇത്തരത്തില്‍ പുറത്തിറങ്ങാന്‍ പ്രയാസം നേരിട്ടു. ഇതില്‍ മിക്കതും അറബ് രാജ്യത്ത് നിന്നുള്ളവരുടേതാണ്. കത്തിയ ഫഌറ്റുകളിലുളളവര്‍ ഉടുതുണിക്ക് മറുതുണിടയുല്ലതെ വിഷമിക്കുകയാണ്. വിലപിടുപ്പുളള രേഖകളും മറ്റും കത്തി നശിച്ചതായി ആളുകള്‍ പറയുന്നു. കത്തിയ കെട്ടിടത്തിനടുത്ത് നിരവധി കെട്ടിടങ്ങള്‍ വേറെയുമുണ്ട്. ഇതിന് പുറമെ എപ്‌ക്കോയുടെ പൂട്ടി കിടക്കുന്ന പെട്രോള്‍ പമ്പുമുണ്ട്. ഇത് അഡ്‌നോക്ക് എറ്റെടുത്തിട്ടുണ്ടെങ്കിലും ജോലികള്‍ തുടങ്ങിയിട്ടില്ല. ഈ ഭാഗത്തേക്ക് തീ പടരുന്നത് തുടക്കത്തില്‍ തന്നെ സിവില്‍ ഡിഫന്‍സ് ഒഴിവാക്കിയിരുന്നു. കെട്ടിടത്തിലെ ചുവരുകള്‍ പൊതിഞ്ഞ അലുമിനിയം ഷീറ്റുകള്‍ കത്തി പലഭാഗത്തും ചിതറി വീണെങ്കിലും അപകടത്തിന് കാരണമായില്ല. കെട്ടിടത്തിന്റെ മുറ്റത്ത് നിറുത്തിയിട്ടിരുന്ന വാഹനങ്ങള്‍ പെട്ടെന്ന് നീക്കം ചെയ്തതും അപകടത്തിന്റെ തോത് കുറച്ചു.