ഇന്ത്യൻ നഴ്സസ് അസോസിയേഷൻ ഓഫ് ഇല്ലിനോയ് ദിനാഘോഷം ഏപ്രിൽ 30-ന്
ഷിക്കാഗോ: ഇന്ത്യൻ നഴ്സസ് അസോസിയേഷൻ ഓഫ് ഇല്ലിനോയിയുടെ (ഐഎൻഎഐ) 2017ലെ നഴ്സസ് ദിനാഘോഷങ്ങൾ വ്യത്യസ്തതയാർന്ന പരിപാടികളോടെ ഏപ്രിൽ 30നു വൈകുന്നേരം അഞ്ചിനു ബെൽവുഡിലുള്ള സീറോ മലബാർ കത്തീഡ്രൽ ഓഡിറ്റോറിയത്തിൽ വച്ചു നടത്തുന്നു.
ന്ധനഴ്സിംഗ്: മാനസീകവും ശാരീരികവും ആത്മീയവുമായ സന്തുലിതാവസ്ഥ’ എന്നതാണു ഈവർഷത്തെ ചിന്താവിഷയം. നോർത്ത് ഷിക്കാഗോ മോവൽ ഫെഡറൽ ഹെൽത്ത് കെയർ സെന്ററിൽ അസോസിയേറ്റ് ചീഫ് നഴ്സായി പ്രവർത്തിക്കുന്ന ഡോ. കാതറിൽ സെർബിൻ ആയിരിക്കും ഈവർഷത്തെ ആഘോഷങ്ങളുടെ മുഖ്യാതിഥി.
നൈന നേതൃത്വത്തെ പ്രതിനിധീകരിച്ചുകൊണ്ടു കുക്ക് കൗണ്ടി ഹെൽത്ത് സിസ്റ്റം സി.എൻ.ഒ ആയ മിസ്സിസ് ആഗ്നസ് തേരാടി തദവസരത്തിൽ ആശംസൾ അർപ്പിച്ച് സംസാരിക്കും. നഴ്സസ് ആഘോഷത്തിന്റെ ഭാഗമായി നൂതനമായ പരിപാടികളാണ് ഐ.എൻ.എ.ഐ നേതൃത്വം പ്രസിഡന്റ് ബീന വള്ളിക്കളത്തിന്േറയും, സെക്രട്ടറി സൂനീന ചാക്കോയുടേയും മേൽനോട്ടത്തിൽ ആസൂത്രണം ചെയ്യുന്നത്. റജീന സേവ്യറും റാണി കാപ്പനും ചേർന്നു നഴ്സുമാരേയും നഴ്സിംഗ് വിദ്യാർത്ഥികളേയും ആദരിക്കുന്ന ചടങ്ങിനു നേതൃത്വം നൽകും. ശോഭാ കോട്ടൂരിന്േറയും ടീമിന്േറയും നേതൃത്വത്തിൽ വിവിധ കലാസംഗീത പരിപാടികൾ ഉണ്ടായിരിക്കും.
ഗ്രാന്റ് കാനിയൻ യൂണിവേഴ്സിറ്റി പ്രതിനിധികൾ ട്യൂഷൻ ഡിസ്കൗണ്ടിനെപ്പറ്റിയുള്ള ചോദ്യങ്ങൾക്ക് മറുപടി നൽകും. ഈവർഷത്തെ തീമിനെ ആസ്പദമാക്കി ഷിജി അലക്സ് ഒരു ഐസ് ബ്രേക്കിംഗ് സെഷൻ അവതരിപ്പിക്കും. തങ്ങളുടെ തിരക്കേറിയ ജോലികളിൽ നിന്ന് മാറി കുടുംബത്തോടൊപ്പം ഒരു സായാഹ്നം, സ്വാദിഷ്ടമായ ഭക്ഷണം, ആസ്വാദ്യകരമായ കലാപരിപാടികൾ എന്നീ ലക്ഷ്യത്തോടെ ഐഎൻഎഐ നടത്തുന്ന നഴ്സസ് ദിനാഘോഷം ഈ പ്രദേശത്തുള്ള എല്ലാ നഴ്സുമാരും പരമാവധി പ്രയോജനപ്പെടുത്തണമെന്നു ഭാരവാഹികൾ അഭ്യർത്ഥിച്ചു. ഷിജി അലക്സ് (ഷിക്കാഗോ) അറിയിച്ചതാണിത്.
https://www.facebook.com/Malayalivartha