കോവിഡ് 19 രൂക്ഷമാകുന്നു... കുവൈത്തില്‍ സ്വകാര്യ ക്ലിനിക്കുകള്‍ അടച്ചുപൂട്ടാന്‍ നിര്‍ദേശം
കോവിഡ് 19 സുരക്ഷാ നടപടികളുടെ ഭാഗമായി കുവൈത്തില്‍ സ്വകാര്യ സ്വകാര്യ ക്ലിനിക്കുകള്‍ അടച്ചുപൂട്ടാന്‍ ആരോഗ്യ മന്ത്രാലയം നിര്‍ദേശം നല്‍കി. ആരോഗ്യ മന്ത്രാലയത്തിലെ സ്വകാര്യ മെഡിക്കല്‍ സേവന കാര്യ അസിസ്റ്റന്റ് അണ്ടര്‍ സെക്രട്ടറിയാണ് സ്വകാര്യ ക്ലിനിക്കുകളും അടച്ചു പൂട്ടാനും സ്വകാര്യ മേഖലയിലെ ആശുപത്രികളോട് കര്‍ശന നിയന്ത്രണങ്ങളേര്‍പെടുത്താനും ആവശ്യപ്പെട്ട് നിര്‍ദേശം നല്‍കിയത്. വലിയ ആശുപത്രികള്‍ക്ക് മാത്രം പരിമിതമായ തോതില്‍ പ്രവര്‍ത്തിക്കാന്‍ അനുമതിയുണ്ട്. വലിയ ആശുപത്രികളില്‍ സാധാരണ ശസ്ത്രക്രിയ നിര്‍ത്തിവെക്കാനും അടിയന്തര ശസ്ത്രക്രിയകള്‍ മാത്രം നടത്താനും നിര്‍ദേശിച്ചു. ഒ.പി 50 ശതമാനത്തിലേക്ക് കുറക്കാന്‍ സ്വകാര്യ ആശുപത്രികള്‍ ക്രമീകരണങ്ങള്‍ വരുത്തണം. പരിശോധനക്കെത്തുന്നവര്‍ കൂടിക്കലര്‍ന്ന് ഇരിക്കാതിരിക്കാന്‍ ക്രമീകരണം ഏര്‍പ്പെടുത്തണം. അടിയന്തര സാഹചര്യങ്ങളില്‍ ഒഴികെ മുന്‍കൂട്ടി അനുമതിയില്ലാത്തവരെ ആശുപത്രിയിലേക്ക് പ്രവേശിപ്പിക്കരുതെന്നും നിര്‍ദേശം നല്‍കിയിട്ടുണ്ട്.
https://www.facebook.com/Malayalivartha
