മൂന്ന് പേരെ കൊലപ്പെടുത്തിയ കേസിലെ പ്രതി ഇരകളില്‍ ഒരാളുടെ ഹൃദയം പുറത്തെടുത്ത് പാചകം ചെയ്ത് കഴിച്ചതായി വെളിപ്പെടുത്തല്‍.

യുഎസിലെ ഓക്ലഹോമയിലാണ് ഞെട്ടിക്കുന്ന സംഭവം നടന്നത്. ലോറന്‍സ് പോള്‍ ആന്‍ഡേഴ്സണ്‍ എന്നയാളാണ് പ്രതി.

അയല്‍വാസിയായ സ്ത്രീയെയാണ് ഇയാള്‍ കൊലപ്പെടുത്തി ഹൃദയം പുറത്തെടുത്ത് ഭക്ഷണമാക്കി കഴിച്ചത്. ഹൃദയം ഉരുളക്കിഴങ്ങും ചേര്‍ത്ത് പാചകം ചെയ്ത ഇയാള്‍ മറ്റ് രണ്ടു പേര്‍ക്കും കൂടി നല്‍കുകയായിരുന്നു.

ഇവരെയാണ് ഇയാള്‍ പിന്നീട് കൊലപ്പെടുത്തിയതെന്ന് ന്യൂസ് ഏജന്‍സിയായ എ.എഫ്.പി റിപ്പോര്‍ട്ട് ചെയ്യുന്നു.
അയല്‍വാസിയായ സ്ത്രീയെ കൊലപ്പെടുത്തി ഹൃദയം പുറത്തെടുത്ത് ഭക്ഷണം ഉണ്ടാക്കിയതിന് ശേഷം ഇയാള്‍ തന്റെ അമ്മാവന്റെ വീട്ടിലെത്തി.

അമ്മാവനും ഭാര്യയ്ക്കും ഭക്ഷണം നല്‍കാനായിരുന്നു നീക്കം. ശേഷം അമ്മാവനേയും നാല് വയസ്സുള്ള മകളേയും ഇയാള്‍ കൊലപ്പെടുത്തുകയായിരുന്നു.

ഗുരുതരമായ പരിക്കുകളോടെ അമ്മാവന്റെ ഭാര്യ രക്ഷപ്പെട്ടു.

2017 ല്‍ ലഹരിമരുന്ന് കേസിലും ആന്‍ഡേഴ്സണ്‍ ശിക്ഷിക്കപ്പെട്ടിരുന്നു. ചൊവ്വാഴ്ച്ച കോടതിയില്‍ വിചാരണ വേളയില്‍ ഇയാള്‍ കുറ്റസമ്മതം നടത്തി.