അഞ്ചുവർഷം കൊണ്ട് മിനിസ്ക്രീൻ പ്രേക്ഷകർ നെഞ്ചിലേറ്റിയ സീരിയലായിരുന്നു ഉപ്പുമുളകും. കഴിഞ്ഞ കുറച്ചു നാളുകളായിട്ട് ഉപ്പും മുളകിന്റെയും സംപ്രേക്ഷണം നിർത്തി വെച്ചിരിക്കുകയായിരുന്നു.

ഫ്‌ളവേഴ്‌സ് ചാനലില്‍ സംപ്രേക്ഷണം ചെയ്തിരുന്ന പരമ്പര കേരളത്തിലെ ഒരു മിഡില്‍ക്ലാസ് കുടുംബത്തില്‍ നടക്കുന്ന കാര്യങ്ങളെ ആസ്പദമാക്കി ഒഒരുക്കിയതാണ്. അതുകൊണ്ട് തന്നെ കുടുംബപ്രേക്ഷകരുടെ പിന്തുണ എന്നും ഇവരോടൊപ്പമായിരുന്നു.

ഒരു ബ്രേക്ക് എടുത്തിരിക്കുകയായിരുന്നു എന്നാണ് പ്രേക്ഷകരുടെ ചോദ്യങ്ങൾക്ക് മറുപടിയായി നൽകിയിരുന്നത്. നീലുവും ബാലുവും മക്കളായ മുടിയനും ലെച്ചുവും കേശുവും ശിവയും പാറുവുമൊക്കെ ആരധകരുടെ പ്രിയ താരങ്ങളായി മാറിയിരിക്കുന്നതിനിടയിലാണ് ഇങ്ങനൊരു വാർത്ത. ഇപ്പോഴിതാ , നിഷ സാരംഗും ബിജു സോപാനവും ചേർന്ന് പങ്കുവെച്ചിരിക്കുന്ന വീഡിയോ ശ്രദ്ധ നേടുകയാണ്. ഉപ്പും മുളകും ഷോ നിർത്തിയതായി രണ്ട് അഭിനേതാക്കളും സ്ഥിരീകരിച്ചിരിക്കുകയാണ് . സോഷ്യൽ മീഡിയയിലെ ഉപ്പും മുളകും ഫാൻസ് ഗ്രൂപ്പുകളിൽ പ്രചരിക്കുന്ന വീഡിയോയിൽ ബിജു സോപാനം പറയുന്നത് ഇപ്രകാരമായിരുന്നു.

'ഉപ്പും മുളകും നിർത്തി, ഇനി വരില്ല, ഒഫിഷ്യലി അവർ ഇക്കാര്യം അറിയിച്ചു കഴിഞ്ഞു. അതിനെ തുടർന്നാണ് മറ്റൊരു പ്രോഗ്രാം ചെയ്യുന്നത്. ഉപ്പും മുളകും ഇനി വരില്ല, പക്ഷേ റീടെലികാസ്റ്റ് ചെയ്യുന്ന എപ്പിസോഡുകൾ നിങ്ങൾക്ക് കാണാം'

'ഞങ്ങളുടെ ഷൂട്ടിങ് ഇനിയില്ല, എല്ലാവരും അതൊന്ന് മനസിലാക്കണം. എല്ലാവരും ഉപ്പും മുളകും വരും വരും എന്ന പ്രതീക്ഷയോടെ ഇരിക്കുകയാണ്. ' ബിജു സോപാനം പറഞ്ഞു.

'ഉപ്പും മുളകും വരുമോ ഇല്ലയോ എന്ന് അറിയില്ല, പക്ഷേ ഉപ്പും മുളകിലും ഇനി ഞങ്ങൾ ഉണ്ടോ എന്ന് അറിയില്ല എന്നതാണ് സത്യം'. നിഷ സാരംഗും കൂട്ടിച്ചേർത്തു.

ചാനൽ അധികൃതരുമായി നടത്തിയ ചർച്ച പരാജയപ്പെട്ടതാകാമെന്നാണ് ആരാധകരുടെ അനുമാനം. 'പുറമെ ചിരിച്ച് കാണിക്കുന്നുണ്ടെങ്കിലും രണ്ടുപേരുടെയും കണ്ണുകളിൽ ആ സങ്കടം നിഴലിക്കുന്നുണ്ട്.......' , 'എന്നെങ്കിലും വരുമെന്നൊരു പ്രതീക്ഷ ഉണ്ടായിരുന്നു' എന്നായിരുന്നു ആരാധകരുടെ അധികം കമെന്റുകളും.

കണ്ണീര്‍ പരമ്പരകളില്‍ നിന്നും തികച്ചും വേറിട്ട് നില്‍ക്കുന്ന കഥയാണ് ഉപ്പും മുളകിന്റേത്. വലിയൊരു ജനപ്രീതിയ്ക്ക് പിന്നിലെ കാരണവും ഇത് തന്നെ ആയിരുന്നു. ഉപ്പും മുളകും പരമ്പരയ്ക്ക് പ്രേക്ഷരുടെ ഇടയിൽ വലിയ സ്വീകാര്യത ആയിരുന്നു ലഭിച്ചിരുന്നത്. അതുപോലെ അതിലെ താരങ്ങള്‍ക്കും വലിയ സ്വീകാര്യതയാണ് തുടക്കം മുതല്‍ കിട്ടിയിട്ടുള്ളത്. ആയിരം എപ്പിസോഡ് പൂര്‍ത്തിയായതുമായി ബന്ധപ്പെട്ടതിന് പിന്നാലെയാണ് പരമ്പരയില്‍ ചെറിയ മാറ്റങ്ങൾ വന്നു തുടങ്ങിയത്. അതിനുശേഷമായിരുന്നു സംപ്രേക്ഷണം നിർത്തിവെച്ചത്.