മിണ്ടരുത്... ! വില്യംസിന്റെ ആഘോഷം ചുണ്ടില്‍ ചൂണ്ടുവിരല്‍ വെച്ച്... കോഹ്‌ലി പുറത്തായപ്പോള്‍ വില്യംസിന്റെ ഷോ ഇങ്ങനെ ..!
ഇന്ത്യൻ നായകന്റെ ഹെദരാബാദിലെ ആ നോട്ട്ബുക്ക് ആഘോഷത്തിന് തിരുവനന്തപുരത്ത് വെച്ച് കണക്കു തീര്‍തിർത്തിരിക്കുകയാണ് വെസ്റ്റിന്‍ഡീസ് താരം കെസ്‌റിക്ക് വില്ല്യംസ്. 17 പന്തില്‍ 19 റണ്‍സെടുത്ത് നില്‍ക്കെ കോലിയെ സിമ്മണ്‍സിന്റെ കൈയിലെത്തിച്ചാണ് വില്ല്യംസ് വിക്കറ്റ് പൊടിപൊടിച്ചത്. സാധാരാണയായി വിക്കറ്റെടുത്താല്‍ നോട്ട്ബുക്ക് സെലിബ്രേഷന്‍ നടത്താറുള്ള താരമാണ് വില്ല്യംസ്. 2017-ല്‍ കോലിയുടെ വിക്കറ്റെടുത്തപ്പോള്‍ വില്ല്യംസ് ഇങ്ങനെ ആഘോഷിക്കുകയും ചെയ്തിരുന്നു. എന്നാല്‍ ഹൈദരാബാദ് ട്വന്റി-20യില്‍ കോലി ഇതിന് ചുട്ട മറുപടിയും നല്‍കിയിരുന്നു .ഇന്നലെ പക്ഷെ നടന്നത് മറ്റൊന്നായിരുന്നു. കോഹ്ലിയെ പുറത്താക്കിയപ്പോള്‍ നിശബ്ദമായ ഇന്ത്യന്‍ ഗാലറിക്ക് നേരെ ചുണ്ടില്‍ വിരല്‍ വെച്ച് മിണ്ടരുതെന്ന് ആംഗ്യം കാണിച്ചായിരുന്നു വില്യംസ് ആഘോഷിച്ചത്.
രണ്ട് വര്‍ഷം മുമ്പ് ജമൈക്കയില്‍ ആരംഭിച്ചതാണ് കോഹ്‌ലിയും വിന്‍ഡീസ് ബൌളര്‍ വില്യംസും തമ്മിലുള്ള കൊമ്പ് കോര്‍ക്കല്‍. അന്ന് തന്നെ പുറത്താക്കിയ വില്യംസിനെ സിക്‌സര്‍ പറത്തിയായിരുന്നു ഹൈദരാബാദില്‍ കോഹ്‌ലിയുടെ നോട്ട് ബുക്ക് സെലിബ്രേഷന്‍. പക്ഷെ പറഞ്ഞിട്ട് എന്താ കാര്യം ഇന്നലെ എല്ലാം കൈവിട്ട് പോയില്ലേ. കോഹ്‌ലിയുടെ വിക്കറ്റ് വീഴ്ത്തി നാല്‍പതിനായിരത്തോളം വരുന്ന ഇന്ത്യന്‍ ആരാധകരെ നിശബ്തരാകാൻ വില്യംസിന് സാധിച്ചു. പിന്നീട് രവീന്ദ്ര ജഡേജയുടെ വിക്കറ്റ് വീഴ്ത്തിയപ്പോഴും ഇതേ ആംഗ്യത്തിലായിരുന്നു വില്യംസിന്റെ ആഘോഷം. വേഗത്തിലെ വൈവിധ്യമായിരുന്നു കാര്യവട്ടത്തെ വേഗം കുറഞ്ഞപിച്ചില്‍ കെസ്‌റിക് വില്യംസിന്റെ ആയുധം. കെസ്‌റിക് വരുന്നതുവരെ പേസര്‍മാരെ അടിച്ചുപറത്തിയിരുന്ന ഇന്ത്യന്‍ ബാറ്റ്‌സ്മാന്മാര്‍ക്ക് പിന്നീടാണ് താളം തെറ്റി തുടങ്ങിയത്. എന്തായാലും വില്യംസിന് മൂന്നാം മത്സരം നടക്കുന്ന വാങ്കഡെ സ്റ്റേഡിയത്തില്‍ കോഹ്‌ലി മറുപടി നല്‍കുമോ എന്നതാണ് ഇനി ആരാധകര്‍ കാത്തിരിക്കുന്നത്.
https://www.facebook.com/Malayalivartha
