അടുത്ത വര്‍ഷം ദേശീയ,അന്തര്‍ദേശീയ കായിക മത്സരങ്ങള്‍ക്ക് വേദിയാകാനൊരുങ്ങി കേരളം.... ഫെബുവരി 20ന് തിരുവനന്തപുരം കാര്യവട്ടം സ്‌പോര്‍ട്‌സ് ഹബില്‍ ഇന്ത്യയും വെസ്റ്റ് ഇന്‍ഡീസും തമ്മിലുള്ള ട്വന്റി20 ക്രിക്കറ്റ് മത്സരം , കൊച്ചിയില്‍ ഇന്ത്യ ഉള്‍പ്പടെ നാല് രാജ്യങ്ങളെ പങ്കെടുപ്പിച്ച് നടത്തുന്ന അന്താരാഷ്ട്ര വനിതാ ഫുട്ബാള്‍ ടൂര്‍ണമെന്റ്, സന്തോഷ് ട്രോഫി കേരളത്തില്‍, ഫൈനല്‍ മഞ്ചേരിയില്‍
അടുത്ത വര്‍ഷം ദേശീയ,അന്തര്‍ദേശീയ കായിക മത്സരങ്ങള്‍ക്ക് വേദിയാകാന്‍ കേരളം. അടുത്ത വര്‍ഷം ഫെബുവരി 20ന് തിരുവനന്തപുരം കാര്യവട്ടം സ്‌പോര്‍ട്‌സ് ഹബില്‍ ഇന്ത്യയും വെസ്റ്റ് ഇന്‍ഡീസും തമ്മിലുള്ള ട്വന്റി20 ക്രിക്കറ്റ് മത്സരം നടക്കും.
അടുത്ത വര്‍ഷത്തെ സന്തോഷ് ട്രോഫി ഫൈനല്‍ റൗണ്ട് മത്സരങ്ങള്‍ക്കും വേദിയാകുന്നത് കേരളമാണ്. വിവിധ സ്‌റ്റേഡിയങ്ങളിലായി നടക്കുന്ന മത്സരങ്ങളുടെ ഫൈനല്‍ മഞ്ചേരിയിലെ പയ്യനാട് സ്‌റ്റേഡിയത്തില്‍ നടക്കും.
കൊച്ചിയില്‍ ഇന്ത്യ ഉള്‍പ്പടെ നാല് രാജ്യങ്ങളെ പങ്കെടുപ്പിച്ച് നടത്തുന്ന അന്താരാഷ്ട്ര വനിതാ ഫുട്ബാള്‍ ടൂര്‍ണമെന്റും നടക്കും.ആള്‍ ഇന്ത്യ ഫുട്ബാള്‍ ഫെഡറേഷനുമായി സഹകരിച്ച് സബ് ജൂനിയര്‍ ജൂനിയര്‍ ദേശീയ ലീഗുകളും പരിശീലനക്യാമ്പുകളും നടത്താനും തീരുമാനിച്ചതായി കായിക മന്ത്രി വി.അബ്ദു റഹ്മാന്‍ അറിയിച്ചു.
ഇന്ത്യന്‍ പര്യടനത്തിനെത്തുന്ന വെസ്റ്റ് ഇന്‍ഡീസുമായുള്ള പരമ്പരയിലെ അവസാന ട്വന്റി20 മത്സരത്തിനാണ് ഫെബ്രുവരി 20ന് കാര്യവട്ടം ആതിഥേയത്വം വഹിക്കുക. കാര്യവട്ടത്ത് നടക്കാനിരിക്കുന്ന നാലാമത്തെ അന്താരാഷ്ട്ര ക്രിക്കറ്റ് മത്സരമായിരിക്കുമിത്.
വിന്‍ഡീസ് ഇവിടെ ഇന്ത്യയ്ക്ക് എതിരാളിയാകുന്നത് മൂന്നാംവട്ടവും.2018ല്‍ ഏകദിനത്തിലും 2019ല്‍ ട്വന്റി20യിലും കാര്യവട്ടത്ത് ഇന്ത്യ വിന്‍ഡീസ് പോരാട്ടം നടന്നിരുന്നു. ഏകദിനത്തില്‍ ഇന്ത്യയും ട്വന്റി20യില്‍ വിന്‍ഡീസുമാണ് ജയിച്ചത്.
അന്താരാഷ്ട്ര മത്സരത്തിന് മുമ്പ് തിരുവനന്തപുരത്ത് മൂന്ന് വേദികളിലായി രഞ്ജി ട്രോഫി മത്സരങ്ങളും വിജയ് ഹസാരെ ട്രോഫി മത്സരങ്ങളും നടക്കും. സ്‌പോര്‍ട്‌സ് ഹബ്,തുമ്ബ സെന്റ് സേവ്യേഴ്‌സ്,മംഗലപുരം എന്നിവിടങ്ങളിലാണ് ഈ മത്സരങ്ങള്‍ നടക്കുക.
"
https://www.facebook.com/Malayalivartha
