സച്ചിനെ ദൈവത്തെ പോലെയാണ് കണ്ടിരുന്നതെന്ന് ഇന്ത്യന്‍ ക്യാപ്റ്റന്‍ മഹേന്ദ്ര സിംഗ് ധോണി പറഞ്ഞു. ദൈവ ചിത്രങ്ങളിലെ പ്രഭാവലയം അദ്ദേഹത്തിന് ചുറ്റും കാണാമായിരുന്നെന്നും ന്യൂജഴ്‌സിയിലെ ബീഹാര്‍ ജാര്‍ഖണ്ഡ് അസോസിയേഷന്‍ പരിപാടിയില്‍ പങ്കെടുക്കവേ ധോണി പറഞ്ഞു. വിനയാന്വിതനായ ടെണ്ടുല്‍ക്കര്‍ തികഞ്ഞ മാതൃകയാണ്.

ക്രിക്കറ്റിലുള്ള അദ്ദേഹത്തിന്റെ വിശ്വാസമെന്തെന്ന് താന്‍ കളിച്ചു തുടങ്ങിയപ്പോള്‍ ബോധ്യപ്പെട്ടെന്നും അദ്ദേഹം പറഞ്ഞു. ടീമില്‍ തിരികെയെത്തുന്നതിനെ കുറിച്ചുള്ള ചോദ്യത്തിന് എത്രയും വേഗം കളിക്കളത്തില്‍ കാണാമെന്നായിരുന്നു മറുപടി. ജീവിതത്തില്‍ വിജയിക്കാന്‍ സത്യസന്ധതയും പ്രായോഗികതയും അനിവാര്യമാണെന്നും ലക്ഷ്യത്തിലേക്കെത്തിക്കുന്ന ചെറിയ കാര്യങ്ങള്‍ ലക്ഷ്യത്തേക്കാള്‍ വിലയുള്ളതാണെന്നും അദ്ദേഹം പറഞ്ഞു. ചടങ്ങില്‍ ജാര്‍ഖണ്ഡ് മുന്‍ ഉപ മുഖ്യമന്ത്രി സുദേഷ് മഹ്‌തോയും പങ്കെടുത്തിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha