ഒടുവില്‍ ക്രിക്കറ്റ് ഇതിഹാസം സച്ചിനും നമ്മുടെ കൊച്ചിക്കാരനാകുന്നു. കേരളത്തോടും കൊച്ചിയോടുമുള്ള സച്ചിന്റെ സ്‌നേഹം പ്രസിദ്ധമാണ്. ഒടുക്കം ആ പ്രേമം മൂത്ത് സച്ചിന്‍ കൊച്ചിയില്‍ വില്ല വാങ്ങി. ഇനി താരം എപ്പോളാണ് താമസം മാറ്റുന്നതെന്നാണ് ഇപ്പോഴത്തെ ചോദ്യം. കൊച്ചിയില്‍ െ്രെപം മെറിഡിയന്റെ പ്രീമിയം ലക്ഷ്വറി വില്ലയാണ് സ്വന്തമാക്കുന്നത്. ശനിയാഴ്ച സച്ചിന്‍ കൊച്ചിയിലെ വീട് കാണാനെത്തും. കുണ്ടന്നൂരില്‍ നിര്‍മ്മാണം പൂര്‍ത്തിയായ, െ്രെപം മെറിഡിയന്റെ ഏറ്റവും പുതിയ കായലോര പ്രോജക്ടായ ബ്ലൂ വാട്ടേഴ്‌സിലെ വില്ലയാണ് ഇനി കേരളത്തിലുള്ളപ്പോള്‍ ക്രിക്കറ്റ് ഇതിഹാസത്തിന്റെ വാസസ്ഥലമാകുക. കേരളത്തില്‍ പല സ്ഥലങ്ങളും സച്ചിന്‍ പരിഗണിച്ചിരുന്നു. ഒടുവിലാണ് ബ്ലൂ വാട്ടേഴ്‌സ് തിരഞ്ഞെടുത്തത്.
ദക്ഷിണേന്ത്യയില്‍ സച്ചിന് പാര്‍പ്പിടമൊരുങ്ങുന്നത് ആദ്യമായാണ്. വിരമിക്കലിനുശേഷം സച്ചിന്റെ രണ്ടാം വീട് പോലെ ആയിട്ടുണ്ട് കേരളം. കേരള ബ്ലാസ്‌റ്റേഴ്‌സ് ടീം ഉടമകളിലൊരാളായ മാസ്റ്റര്‍ ബ്ലാസ്റ്റര്‍ ഇവിടെ കൂടുതല്‍ സമയം ചെലവഴിക്കാനൊരുങ്ങുന്നതിന്റെ ഭാഗമായാണ് കൊച്ചിയില്‍ വീട് അന്വേഷിച്ചത്. കേരളത്തിന്റെ മനോഹാരിത ഇഷ്ടപ്പെടുന്ന സച്ചിന്‍ തന്റെ അവധിക്കാലം ചിലവഴിക്കാന്‍ കൂടി കൊച്ചിയിലെ വീട് ഉപയോഗിച്ചേക്കും. ബാന്ദ്ര പെറി ക്രോസ് റോഡിലെ ആഡംബര ബംഗ്ലാവിലാണ് സച്ചിനും കുടുംബവും ഇപ്പോള്‍ താമസിക്കുന്നത്.
ഇന്റര്‍നാഷണല്‍ അഡ്വര്‍ടൈസിങ് അസോസിയേഷന്‍ ഇന്ത്യ ചാപ്റ്ററിന്റെ രജത ജൂബിലി അഘോഷങ്ങളിലെ വിശിഷ്ടാതിഥിയായി വെള്ളിയാഴ്ച രാത്രിയാണ് സച്ചിന്‍ കൊച്ചിയിലെത്തുക. ശനിയാഴ്ച രാവിലെ ഇതില്‍ പങ്കെടുത്തശേഷം സച്ചിന്‍ വില്ല സന്ദര്‍ശിക്കും.
ബ്ലാസ്‌റ്റേഴ്‌സിന്റെ പ്രവര്‍ത്തനങ്ങളുമായി ബന്ധപ്പെട്ട് കേരളത്തിലെത്തിയ സച്ചിന് കേരളം ഹൃദ്യമായ അനുഭവമായെന്ന് അദ്ദേഹത്തോട് അടുപ്പമുള്ളവര്‍ പറയുന്നു. തന്റെ ഇഷ്ടവീടിന് വേണ്ടി കോടികള്‍ മുടക്കാനാണ് സച്ചിന്‍ ഒരുങ്ങുന്നതെന്നും റിപ്പോര്‍ട്ടുണ്ട്.
കേരളത്തില്‍ ഒരു വീട് എന്ന ആശയത്തിലേക്ക് സച്ചിനെ നയിച്ചത് പ്രധാനമായും ഈ അടുപ്പമാണ്. ഇക്കുറി ഓണത്തിന് സദ്യയുണ്ണുന്ന സ്വന്തം ചിത്രത്തിനൊപ്പം ഫേസ്ബുക്കിലൂടെ സച്ചിന്‍ മലയാളികള്‍ക്കെല്ലാം ഓണാശംസയും നേര്‍ന്നിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha