താരോദയം: 93 റണ്‍സ് അടിച്ചുകൂട്ടി ദ്രാവിഡിന്റെ പാത പിന്തുടര്‍ന്ന് മകനും
പിതാവ് രാഹുല്‍ ദ്രാവിഡിന്റെ പാത പിന്തുടര്‍ന്ന് ക്രിക്കറ്റില്‍ ചരിത്രം കുറിക്കാനൊരുങ്ങുകയാണ് മകന്‍ സാമിദ് ദ്രാവിഡ്. ഡല്‍ഹിയില്‍ സെന്റ്. ജോണ്‍സ് മെഡിക്കല്‍ കോളജ് ഗ്രൗണ്ടില്‍ നടന്ന അണ്ടര്‍12 മത്സരത്തില്‍ 93 റണ്‍ അടിച്ചുകൂട്ടിയാണ് ഈ ഒമ്പതുകാരന്‍ പിതാവിന് അഭിമാനമായത്.
മല്യ അദിതി ഇന്റര്‍നാഷണല്‍ സ്‌കൂളിനുവേണ്ടിയാണ് സാമിദ് പാടണിഞ്ഞത്. ഡല്‍ഹി പബ്ലിക് സ്‌കൂളിന് എതിരായ മത്സരത്തില്‍ സാമിദ് നേടിയ 93 റണ്‍സ് ടീമിനെ 63 റണ്‍സിന്റെ വിജയത്തിലെത്തിച്ചു. 16 ഓവറില്‍ മൂന്ന് വിക്കറ്റ് നഷ്ടത്തില്‍ 168 റണ്‍സാണ് സാമിദിന്റെ ടീം സ്വന്തമാക്കിയത്. മറുപടി ബാറ്റിങ്ങിനിറങ്ങിയ ഡല്‍ഹി പബ്ലിക് സ്‌കൂളിനെ ആറ് വിക്കറ്റ് നഷ്ടത്തില്‍ 107 റണ്‍സില്‍ തളയ്ക്കാന്‍ സാമിദിന്റെ ടീമിനായി.
കഴിഞ്ഞയാഴ്ചയില്‍തന്നെ മറ്റൊരു മത്സരത്തില്‍ വലതുകൈ ബാറ്റ്‌സ്മാനായ സാമിദ് 77 റണ്‍സിന്റെ ഇന്നിങ്‌സിലൂടെയും വാര്‍ത്തകളില്‍ നിറഞ്ഞിരുന്നു. നിലവില്‍ ഇന്ത്യന്‍ എ ടീം പരിശീലകനായ രാഹുല്‍ ദ്രാവിഡിന് സാമിദിന് പുറമെ അന്‍വയ് എന്ന മറ്റൊരു മകന്‍കൂടിയുണ്ട്.
https://www.facebook.com/Malayalivartha
