കേരള ബ്ലാസ്റ്റേഴ്സ് മികച്ച പ്രകടനം കാഴ്ചവയ്ക്കുമെന്ന് സച്ചിന്
കേരള ബ്ലാസ്റ്റേഴ്സ് ഈ സീസണിലും മികച്ച പ്രകടനം കാഴ്ചവയ്ക്കാനുള്ള ഒരുക്കത്തിലാണെന്ന് ടീം ഉടമകളിലൊരാളായ മുന് ക്രിക്കറ്റ് താരം സച്ചിന് തെന്ഡുല്ക്കര്. ഇന്റര്നാഷണല് അഡ്വര്ടൈസിംഗ് അസോസിയേഷന് (ഐഎഎ) ഇന്ത്യ ചാപ്റ്ററിന്റെ രജത ജൂബിലി സംഗമത്തില് പങ്കെടുക്കാനെത്തിയതായിരുന്നു മാസ്റ്റര് ബ്ലാസ്റ്റര്.
കോച്ച് പീറ്റര് ടെയ്ലറിന്റെ കീഴില് കേരള ബ്ലാസ്റ്റേഴ്സ് ടീം പരിശീലനം ആരംഭിച്ചു കഴിഞ്ഞു. തിരുവനന്തപുരത്തെ മികച്ച സ്റ്റേഡിയത്തിലാണ് പരിശീലനം. ഈ വര്ഷം പ്രതീക്ഷയുള്ള താരങ്ങളെ ടീമില് ഉള്പ്പെടുത്തിയിട്ടുണ്ട്. ആദ്യ സീസണിലെ മികച്ച പ്രകടനം ഈ സീസണിലും മുന്നോട്ടുപോകാനുള്ള പ്രചോദനം നല്കിയിട്ടുണ്ട്. കേരള ബ്ലാസ്റ്റേഴ്സിന്റെ ആരാധകരുടെ മികച്ച പിന്തുണയോടെ ഈ സീസണിലും വിജയം തുടരാന് കഴിയുമെന്നാണ് പ്രതീക്ഷയെന്നും സച്ചിന് പറഞ്ഞു.
വെള്ളിയാഴ്ച വൈകുന്നേരം നെടുമ്പാശേരി വിമാനത്താവളത്തിലെത്തിയ സച്ചിനെ ഏലയ്ക്കാമാല കഴുത്തിലണിയിച്ചാണു സ്വീകരിച്ചത്. തിങ്ങിനിറഞ്ഞ ആരാധകര്ക്കും സുരക്ഷാ ഉദ്യോഗസ്ഥര്ക്കും നടുവിലൂടെയാണു സച്ചിന് വിമാനത്താവളത്തിനു പുറത്തേക്കു വന്നത്. കൊച്ചിയില് വാങ്ങാന് ഉദ്ദേശിക്കുന്ന മരടിലെ പ്രൈം മെറിഡിയന് വില്ല സച്ചിന് ഇന്നു സന്ദര്ശിച്ചേക്കും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
