മാസ്റ്റര്‍ ബ്ലാസ്റ്റര്‍ സച്ചിന്‍ ഒരാഗ്രഹം മുന്നോട്ടു വച്ചിരിക്കുകയാണ്. അത് പറഞ്ഞിരിക്കുന്നത് മറ്റാരോടുമല്ല. യുവതാരം വിരാട് കോഹ്‌ലിയോട്. എന്താണെന്നല്ലേ സച്ചിന്റെ ആഗ്രഹം? ഇന്ത്യന്‍ ടെസ്റ്റ് ടീം നായകന്‍ വിരാട് കോഹ്‌ലിയുടെ ടീമില്‍ കളിക്കാനാണ് സച്ചിന് ആഗ്രഹം. എന്നാല്‍ ഇത് ക്രിക്കറ്റിലല്ല. ഇന്റര്‍നാഷണല്‍ പ്രീമിയര്‍ ടെന്നീസ് ലീഗില്‍ (ഐടിപിഎല്‍) കോഹ്‌ലിയുടെ ടീമായ യു.എ.ഇ. റോയല്‍സില്‍ കളിക്കാനാണ് സച്ചിന്‍ ട്വിറ്ററിലൂടെ ആഗ്രഹം പ്രകടിപ്പിച്ചത്. 

സച്ചിന്‍ ഇത്തരമൊരു ആഗ്രഹം പ്രകടിപ്പിച്ചത് മറ്റൊന്നും കൊണ്ടല്ല. കോഹ്‌ലിയുടെ ടീമില്‍ സച്ചിന്‍ ആരാധിക്കുന്ന ടെന്നീസ് ഇതിഹാസം റോജര്‍ ഫെഡറര്‍ കളിക്കുന്നുണ്ട്. എന്നാല്‍ സച്ചിന്റെ ആഗ്രഹം സാധിക്കാന്‍ കഴിയുമോ എന്നുറപ്പില്ലെന്നാണ് കോഹ്‌ലി നല്‍കിയ മറുപടി. ട്വിറ്ററിലാണ് ഇരുവരുടെയും സംഭാഷണം. എന്നാല്‍ ഇത് ഗൗരവമായി എടുത്തെങ്കില്‍ തെറ്റി. ഫെഡറര്‍ കോഹ്‌ലിയുടെ ടീമില്‍ കളിക്കുന്നുണ്ടെന്ന് അറിയിക്കാനാണ് സച്ചിന്‍ തമാശയായി ഇത്തരമൊരു ട്വീറ്റ് ഇട്ടത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha