ഇന്ത്യ-ദക്ഷിണാഫ്രിക്ക ഒന്നാം ടെസ്റ്റ് ഇന്നുമുതല്‍, ഇന്ത്യ ബാറ്റിങ് തിരഞ്ഞെടുത്തു
ദക്ഷിണാഫ്രിക്കയ്‌ക്കെതിരായ ഒന്നാം ക്രിക്കറ്റ് ടെസ്റ്റില്‍ ടോസ് നേടിയ ഇന്ത്യ ബാറ്റിങ് തിരഞ്ഞെടുത്തു. രണ്ടു വര്‍ഷത്തെ ഇടവേളയ്ക്കുശേഷമാണ് ഇന്ത്യ സ്വന്തം നാട്ടില്‍ ടെസ്റ്റിനിറങ്ങുന്നത്.
ഏകദിന പരമ്പരയിലെ തോല്‍വിക്കുശേഷം വലിയ മാറ്റങ്ങളുമായാണ് ഇന്ത്യ കളിക്കാനിറങ്ങുന്നത്. പിറന്നാള്‍ ദിനത്തില്‍ സ്വന്തം മണ്ണില്‍ ടീമിനെ ആദ്യമായി നയിക്കുന്നതിന്റെ ത്രില്ലിലാണ് വിരാട് കോഹ്‌ലി. ഭുവനേശ്വര്‍കുമാര്‍, രോഹിത് ശര്‍മ, കെ.എല്‍. രാഹുല്‍, സ്റ്റുവര്‍ട്ട് ബിന്നി, ഇശാന്ത് ശര്‍മ എന്നിവരെ ഒഴിവാക്കി. ദക്ഷിണാഫ്രിക്കയ്ക്കുവേണ്ടി റബാഡ ടെസ്റ്റില്‍ അരങ്ങേറ്റം കുറിക്കും. ഇമ്രാന്‍ താഹിറും ഹാര്‍മറുമാണ് സപിന്നര്‍മാര്‍.
ഇന്ത്യയിലെ ടീം അംഗങ്ങള്‍ ശിഖര്‍ ധവാന്‍, മുരളി വിജയ്, ചേതേശ്വര്‍ പൂജാര, വിരാട് കോലി, അജിങ്ക്യ രഹാനെ, വൃദ്ധിമാന്‍ സാഹ, രവീന്ദ്ര ജഡേജ, ആര്‍.അശ്വിന്‍, അമിത് മിശ്ര, വരുണ്‍ ആരോണ്‍, ഉമേഷ് യാദവ് എന്നിവരാണ്.
ദക്ഷിണാഫ്രിക്കയിലെ ടീം അംഗങ്ങള്‍ എല്‍ഗര്‍, വാന്‍ സില്‍, ഡു പ്ലെസ്സി, ആംല, എ ബി ഡി വില്ല്യേഴ്‌സ്, വിലാസ്, ഫിലാണ്ടര്‍, ഹാര്‍മര്‍, സ്‌റ്റെയ്ന്‍, റബാഡ, ഇമ്രാന്‍ താഹിര്‍ എന്നിവരാണ്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
