പൊതുവില്‍ ശാന്ത സ്വഭാവക്കാരനാണ് സച്ചിന്‍. ആ സച്ചിന്‍ പ്രകോപിതനാകണമെങ്കില്‍ അവര്‍ ശരിക്കും വിഷമിപ്പിച്ചിട്ടുണ്ടാകും. ആരാണ് സച്ചിന്‍ ടെണ്ടുല്‍ക്കറെന്ന് ചോദിച്ചതിന് ടെന്നീസ് താരം മരിയ ഷറപ്പോവയെ പൊങ്കാലയിട്ട ആരാധകര്‍ അതേ ചോദ്യം ചോദിച്ച ബ്രിട്ടീഷ് എയര്‍വേയ്‌സിനെതിരെയും ഓണ്‍ലൈന്‍ പൊങ്കാല നടത്തുന്നു. തന്നെ അപമാനിച്ചുവെന്ന് ആരോപിച്ച് സച്ചിനിട്ട ട്വീറ്റിനു മറുപടിയായി പൂര്‍ണ്ണമായ പേരും വിലാസവും അറിയിക്കണമെന്ന് ബ്രിട്ടീഷ് എയര്‍വേയ്‌സ് മറുപടി നല്‍കിയതാണ് ആരാധകരെ പ്രകോപിതരാക്കിയത്.
മാസ്‌റ്റേഴ്‌സ് ക്രിക്കറ്റ് ലീഗില്‍ പങ്കെടുക്കുന്നതിന് യുഎസിലുള്ള സച്ചിന്‍ ബ്രിട്ടീഷ് എയര്‍വേയ്‌സ് തന്നെ അപമാനിച്ചുവെന്ന് വ്യക്തമാക്കി മൂന്ന് ട്വീറ്റുകളാണ് ചെയ്തത്. മല്‍സരങ്ങളില്‍ പങ്കെടുക്കുന്നതിന് ബ്രിട്ടീഷ് എയര്‍വേയ്‌സിനെ ആശ്രയിക്കുന്ന തന്നെയും കുടുംബത്തെയും വിമാന കമ്പനി ദ്രോഹിച്ചതായാ ണ് സച്ചിന്റെ ട്വീറ്റുകള്‍. സീറ്റുകള്‍ ബാക്കിയുണ്ടായിട്ടും, വെയിറ്റിംഗ് ലിസ്റ്റില്‍ ആയിരുന്ന തന്റെയും കുടുംബാംഗങ്ങളുടെയും ടിക്കറ്റുകള്‍ കണ്‍ഫേം ചെയ്തില്ല, ലഗേജുകള്‍ മറ്റൊരു വിലാസത്തില്‍ അയച്ചു എന്നിങ്ങനെയുള്ള ആരോപണങ്ങളാണ് ഈ ട്വീറ്റുകളിലുള്ളത്.
സച്ചിനോട് പൂര്‍ണ്ണമായ പേര് പറയാന്‍ ആവശ്യപ്പെട്ട ട്വീറ്റ് പുറത്തുവന്നതോടെ പൊങ്കാല ആരംഭിച്ചു. ബ്രിട്ടീഷ് എയര്‍വേയ്‌സിന് എതിരെ ട്വിറ്ററില്‍ ശകാര വര്‍ഷമാണ് നടക്കുന്നത്.
ഇതിനു ബ്രിട്ടീഷ് എയര്‍ വേയ്‌സ് ട്വിറ്റില്‍ നല്‍കിയ മറുപടിയാണ് വിവാദമായത്. ഇക്കാര്യത്തില്‍ ഖേദം പ്രകടിപ്പിക്കുന്നുവെന്ന് വ്യക്തമാക്കിയ കമ്പനി ബാഗേജ് വിവരങ്ങളും പൂര്‍ണ്ണമായ പേരും വിലാസവും നല്‍കാനും ആവശ്യപ്പെട്ടു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha