ഏഷ്യന്‍ ക്രിക്കറ്റ്‌ കൗണ്‍സിലിന്റെ എമേര്‍ജിങ്‌ ടീംസ്‌ കപ്പ്‌ ഇന്ത്യയ്‌ക്ക്‌ ഫൈനലില്‍ ചിരവൈരികളായ പാക്കിസ്ഥാനെ തോല്‍പ്പിച്ചാണ്‌ ഇന്ത്യയുടെ അണ്ടര്‍ 23 ടീം കപ്പ്‌ സ്വന്തമാക്കിയത്‌. പാക്കിസ്ഥാന്‍ ഉയര്‍ത്തിയ 160 റണ്‍സ് വിജയലക്ഷ്യം 98 പന്തുകള്‍ ബാക്കിനിലേ്ക്ക, ഒരു വിക്കറ്റ് നഷ്ടത്തില്‍ ഇന്ത്യ മറികടന്നു.

മൂന്ന് വിക്കറ്റ് പ്രകടനത്തിലൂടെ പാക് ബാറ്റിങ്ങിന്റെ നടുവൊടിച്ച ഓള്‍റൗണ്ടര്‍ ബാബ അപരാജിതും 93 റണ്‍സുമായി പുറത്താവാതെ നിന്ന് ഇന്ത്യന്‍ വിജയം അനായാസമാക്കിയ കര്‍ണാടകക്കാരന്‍ ഓപ്പണര്‍ ലോകേഷ് രാഹുലുമാണ് വിജയശില്പികള്‍. ടൂര്‍ണമെന്റിലുടനീളം മികച്ച പ്രകടനം പുറത്തെടുത്ത രാഹുലാണ് കളിയിലെ കേമന്‍. 107 പന്തുകള്‍ നേരിട്ട രാഹുല്‍ 11 ബൗണ്ടറിയും ഒരു സിക്‌സറുമടിച്ചു. സ്‌കോര്‍: പാകിസ്താന്‍ 47 ഓവറില്‍ 159-ന് പുറത്ത്; ഇന്ത്യ 33.4 ഓവറില്‍ 1-ന് 160.

ടൂര്‍ണമെന്റില്‍ 77.66 റണ്‍സ് ശരാശരിയില്‍ 233 റണ്‍സെടുത്ത രാഹുലാണ് ടോപ്‌സ്‌കോറര്‍. എന്നാല്‍ രണ്ട് സെഞ്ച്വറികള്‍ നേടിയ യു.എ.ഇ.യുടെ ഷായ്മാന്‍ അന്‍വറാണ് ടൂര്‍ണമെന്റിന്റെ താരം