മാന്യതയുടെ പര്യായമായ ക്രിക്കറ്റില്‍ വിജയം ആഘോഷിച്ചത്‌ ഇംഗ്ലീഷ്‌ താരങ്ങള്‍ വട്ടം കൂടിനിന്ന്‌ മൂത്രമൊഴിച്ച്‌
ക്രിക്കറ്റ് മാന്യതയുടെ കളിയായാണ്‌ എന്നും കണക്കാക്കാറുള്ളത്‌. എന്നാല്‍ ആഷസ്‌ പരമ്പരയിലെ മിന്നുന്ന വിജയം ഇംഗ്ലീഷ്‌ താരങ്ങള്‍ ആഘോഷിച്ചത്‌ പിച്ചില്‍ മൂത്രമൊഴിച്ചാണ്‌. പവിത്രമായി കണക്കാക്കുന്ന ഇംഗ്ലണ്ടിലെ തന്നെ ഓവല്‍ മൈതാനത്തെ പിച്ചിനെയാണ്‌ ഇംഗ്ലീഷ്‌ താരങ്ങള്‍ അപമാനിച്ചത്‌. ഇത്‌ ഓസ്‌ട്രേലിയന്‍ കളിക്കാരോടുള്ള കടുത്ത അവഹേളനമായാണ്‌ അവര്‍ കണക്കാക്കുന്നത്‌.
വളരെ വിഖ്യാതമായ ആഷസ്‌ പരമ്പയില്‍ എപ്പോഴും വാര്‍ത്തകളുണ്ടാകുമെങ്കിലും ഇതല്‍പ്പം കൂടിപ്പോയെന്നാണ്‌ ആരാധകര്‍ പോലും പറയുന്നത്‌. ഇംഗ്ലണ്ടും ആസ്‌ട്രേലിയയും തമ്മിലുള്ള അവസാന ടെസ്റ്റ് സമനിലയായതിനെ തുടര്‍ന്ന് 3-0ത്തിനായിരുന്നു ഇംഗ്ലണ്ടിന്റെ വിജയം. സ്റ്റുവര്‍ട്ട് ബോര്‍ഡ്, കെവിന്‍ പീറ്റേഴ്‌സണ്‍, ജിമ്മി ആന്‍ഡേഴ്‌സണ്‍ തുടങ്ങിയ താരങ്ങളാണ് സഹതാരങ്ങളുടെ വിജയാഘോഷത്തിനിടെ പിച്ചില്‍ വട്ടംകൂടിനിന്ന് മൂത്രമൊഴിച്ചത്.
സഹതാരങ്ങള്‍ കുട്ടികള്‍ക്കൊപ്പം മൈതാനത്ത് വിജയപ്രദക്ഷിണം നടത്തി മിനുറ്റുകള്‍ക്കുള്ളിലായിരുന്നു ഇവരുടെ ഈ ആഘോഷം.
https://www.facebook.com/Malayalivartha
