ഗുജറാത്ത് വിജയ് ഹസാരെ ട്രോഫി ജേതാക്കള്‍. ഫൈനലില്‍ മുന്‍ ചാമ്പ്യന്‍മാരായ ഡല്‍ഹിയെ 139 റണ്‍സിനാണ് ഗുജറാത്ത് പരാജയപ്പെടുത്തിയത്. ഗുജറാത്തിന്റെ ആദ്യ വിജയ് ഹസാരെ ട്രോഫി കിരീട വിജയമാണിത്. നായകന്‍ പാര്‍ഥിവ് പട്ടേലിന്റെ സെഞ്ചുറിയും ആര്‍പി സിംഗ്, ജസ്പ്രീത് ബുംറ എന്നിവരുടെ ബൗളിംഗ് പ്രകടനവുമായിരുന്നു ഗുജറാത്ത് വിജയത്തിന് വഴിയാരുക്കിയത്.
ആദ്യ ബാറ്റുചെയ്ത ഗുജറാത്ത് നിശ്ചിത ഓവറില്‍ ഒമ്പതു വിക്കറ്റ് നഷ്ടത്തില്‍ 273 റണ്‍സ് നേടി. മറുപടി ബാറ്റിംഗിനിറങ്ങിയ ഡല്‍ഹി 32.3 ഓവറില്‍ 134 റണ്‍സിന് എല്ലാവരും പുറത്തായി. ബാറ്റിംഗില്‍ 105 റണ്‍സുമായി പാര്‍ഥിവ് പട്ടേല്‍ മുന്നില്‍നിന്നു നയിച്ചപ്പോള്‍ ബൗളിംഗില്‍ ആര്‍.പി. സിംഗ്(4/42), ജസ്പ്രീത് ബുംറ(5/28) എന്നിവര്‍ ഡല്‍ഹിയെ പൊളിച്ചടുക്കി.
ഗുജറാത്തിനായി റുജല്‍ ഭട്ടും(60) മികച്ച പ്രകടനം കാഴ്ചവച്ചു. ഡല്‍ഹിക്കായി പവന്‍ നെഗി 57 റണ്‍സ് നേടി ടോപ് സ്‌കോററായി. ബൗളിംഗില്‍ രണ്്ടു വിക്കറ്റും നെഗി നേടിയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha