വിന്ഡീസിനെ കീഴടക്കി ഓസീസിന് പരമ്പര
29 DECEMBER 2015 03:10 PM IST
മലയാളി വാര്ത്ത.
വെസ്റ്റ് ഇന്ഡീസിനെ പരാജയപ്പെടുത്തി ഓസ്ട്രേലിയ ഫ്രാങ്ക് വോറല് ട്രോഫി വീണ്ടെടുത്തു. മെല്ബണില്നടന്ന രണ്ടാം ടെസ്റ്റില് 177 റണ്സിനാണ് ഓസീസ് വിന്ഡീസിനെ കീഴടക്കിയത്. ഇതോടെ മൂന്ന് ടെസ്റ്റ് പരമ്പരയില് ഓസ്ട്രേലിയ 2-0ന് മുന്നിലെത്തി. ടെസ്റ്റിലാകെ ഏഴു വിക്കറ്റ് നേടിയ നഥാന് ലിയോണാണ് കളിയിലെ താരം. ഹൊബാര്ട്ടില് നടന്ന ആദ്യ ടെസ്റ്റില് ഓസ്ട്രേലിയ ഇന്നിംഗ്സിനും 212 റണ്സിനും വിജയിച്ചിരുന്നു. ജനുവരി 3 മുതല് സിഡ്നിയിലാണ് അവസാന ടെസ്റ്റ്.
179/3 എന്ന നിലയില് മൂന്നാം ദിനം ബാറ്റിംഗ് ഡിക്ലയര് ചെയ്ത ഓസീസ് നാലാം ദിനത്തില് വിന്ഡീസിനെ ബാറ്റിംഗിനയച്ചു. 460 റണ്സ് വിജയലക്ഷ്യവുമായിറങ്ങിയ വിനഡീസ് 282 റണ്സിന് എല്ലാവരും പുറത്തായി. 68 റണ്സ് നേടിയ ജാസണ് ഹോള്റും 59 റണ്സ് നേടിയ ദിനേശ് രാംദിനും മാത്രമാണ് വിന്ഡീസ് നിരയില് ഭേദപ്പെട്ട പ്രകടനം നടത്തിയത്. ഇരുവരും ചേര്ന്ന് ആറാം വിക്കറ്റില് 100 റണ്സ് കൂട്ടിച്ചേര്ത്തു. ഓസ്ട്രേലിയയ്ക്കായി മിച്ചല് മാര്ഷ് നാലു വിക്കറ്റും നഥാന് ലിയോണ് മൂന്നു വിക്കറ്റും നേടി. സ്കോര്-ഓസ്ട്രേലിയ: ഒന്നാം ഇന്നിംഗ്സ് 551/3, രണ്്ടാം ഇന്നിംഗ്സ് 179/3. വെസ്റ്റ് ഇന്ഡീസ്: ഒന്നാം ഇന്നിംഗ്സ് 271, രണ്്ടാം ഇന്നിംഗ്സ് 282. അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുകഅപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
