ഒരു വര്‍ഷത്തിനു ശേഷം ടെസ്റ്റില്‍ സെഞ്ചുറി നേടിയ ഹാഷിം ആംല 7,000 റണ്‍സ് ക്ലബിലും കടന്നു. ഇംഗ്ലണ്ടിനെതിരായ രണ്ടാം ടെസ്റ്റിന്റെ ഒന്നാം ഇന്നിംഗ്‌സിലാണ് ആംല നേട്ടം കൊയ്തത്. ടെസ്റ്റിലെ ആംലയുടെ 24-ാം സെഞ്ചുറിയാണ് കേപ്ടൗണില്‍ പിറന്നത്.
ഇംഗ്ലീഷ് സ്പിന്നര്‍ മൊയിന്‍ അലിയെ കവറിലൂടെ ബൗണ്ടറി കടത്തിയാണ് ആംല 7,000 റണ്‍സ് തികച്ചത്. പിന്നാലെ സെഞ്ചുറിയും സ്വന്തമാക്കി. കരിയറിലെ 90-ാം ടെസ്റ്റിലാണ് നേട്ടം. ദക്ഷിണാഫ്രിക്കയുടെ ടെസ്റ്റ് റണ്‍വേട്ടക്കാരില്‍ ആംല അഞ്ചാം സ്ഥാനത്താണ്. ജാക്ക് കാലിസ്, ഗ്രയിം സ്മിത്ത്, എ.ബി.ഡിവില്ലിയേഴ്‌സ്, ഗാരി കേര്‍സ്റ്റണ്‍ എന്നിവരാണ് ആംലയ്ക്ക് മുന്നിലുള്ളത്.
ഒടുവില്‍ റിപ്പോര്‍ട്ട് കിട്ടുമ്പോള്‍ 110 റണ്‍സോടെ ക്രീസിലുള്ള ആംലയുടെ മികവില്‍ ദക്ഷിണാഫ്രിക്ക 234/2 എന്ന നിലയിലാണ്. ഇംഗ്ലണ്ട് ഒന്നാം ഇന്നിംഗ്‌സില്‍ 629/6 എന്ന നിലയില്‍ ഡിക്ലയര്‍ ചെയ്തിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക