അരനൂറ്റാണ്ടിനിടയില്‍ ക്രിക്കറ്റ് ചരിത്രത്തില്‍ സംഭവിച്ച ഏറ്റവും മികച്ച ഇന്നിംഗ്‌സായി വി.വി.എസ്. ലക്ഷ്മണിന്റെ ഈഡന്‍ഗാര്‍ഡനിലെ ബാറ്റിംഗ് പ്രകടനത്തെ തെരഞ്ഞെടുത്തു. ഇന്നിംഗ്‌സ് തോല്‍വിയിലേക്കു നീങ്ങിയ ഇന്ത്യയെ രക്ഷിക്കാനായി ദ്രാവിഡിനൊപ്പം ക്രീസില്‍ നങ്കൂരമിട്ട ലക്ഷ്മണ്‍ 281 റണ്‍സാണ് അക്കൗണ്ടില്‍ കൂട്ടിച്ചേര്‍ത്തത്. ഓസ്‌ട്രേലിയക്കെതിരേ ആദ്യ ഇന്നിംഗ്‌സില്‍ ഇന്ത്യ 274 റണ്‍സ് ഫോളോഓണ്‍ വഴങ്ങിയശേഷമായിരുന്നു ലക്ഷ്മണിന്റെ മാസ്മരികപ്രകടനം. ഇഎസ്പിഎന്നിന്റെ ദി ക്രിക്കറ്റ് മന്ത്‌ലിയാണ് ലക്ഷ്മണിന്റെ പ്രകടനത്തെ മികച്ച ടെസ്റ്റ് പ്രകടനമായി തിരഞ്ഞെടുത്തത്.
കോല്‍ക്കത്തയിലെ ഈഡന്‍ ഗാര്‍ഡനില്‍ രണ്ടാം ഇന്നിംഗ്‌സില്‍ രാഹുല്‍ ദ്രാവിഡിനൊപ്പം 376 റണ്‍സിന്റെ കൂട്ടുകെട്ടുണ്ടാക്കാനും ലക്ഷ്മണിനായി. 180 റണ്‍സാണ് രാഹുല്‍ ദ്രാവിഡ് ഈഡനില്‍ അടിച്ചുകൂട്ടിയത്. ആദ്യ ഇന്നിംഗ്‌സില്‍ ഇന്ത്യയുടെ 171 റണ്‍സില്‍ 59 റണ്‍സും ലക്ഷ്മണിന്റെ ബാറ്റില്‍നിന്നായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക