വെസ്റ്റ് ഇന്‍ഡീസ് താരം ക്രിസ് ഗെയിലിന് ആഗോള തലത്തില്‍ വിലക്കേര്‍പ്പെടുത്തണമെന്ന് മുന്‍ ഓസ്‌ട്രേലിയന്‍ താരവും കമന്റേറ്ററുമായ ഇയാന്‍ ചാപ്പല്‍. ബിഗ് ബാഷ് ടൂര്‍ണമെന്റിനിടെ ചാനല്‍ ലേഖികയോട് ഗെയില്‍ മോശമായി പെരുമാറിയ സാഹചര്യത്തിലാണ് ചാപ്പലിന്റെ പ്രതികരണം. മോശം പെരുമാറ്റം നടത്തിയ ഗെയിലുമായി കരാറിലേര്‍പ്പെടരുതെന്ന് എല്ലാ രാജ്യങ്ങളോട് ഔദ്യോഗികമായി ആവശ്യപ്പെടാന്‍ ക്രിക്കറ്റ് ഓസ്‌ട്രേലിയ തയ്യാറാകണമെന്നും ഐ.സി.സി വേദി ഇതിനായി ഉപയോഗിക്കണമെന്നും ചാപ്പല്‍ പറഞ്ഞു.
ഓസ്‌ട്രേലിയയിലെ ഒരു ക്ലബും ഗെയിലുമായി കരാറിലേര്‍പ്പെടില്ലെന്ന് ഉറപ്പുവരുത്താന്‍ ക്രിക്കറ്റ് ഓസ്‌ട്രേലിയയ്ക്ക് ഉത്തരവാദിത്തമുണ്ട്. ഒരു സ്ത്രീയോട് ഒരിക്കല്‍ അപമരിയാദയായി പെരുമാറുകയാണെങ്കില്‍ 10,000 ഡോളര്‍ പിഴയും ശാസനയും നല്ലതാണ്. എന്നാല്‍ ക്രിക്കറ്റുമായി ബന്ധപ്പെട്ട് പ്രവര്‍ത്തിക്കുന്ന പല സ്ത്രീകളും ഗെയിലിനെക്കുറിച്ച് മോശമായാണ് പ്രതികരിച്ചതെന്നും അദ്ദേഹം കൂട്ടിച്ചേര്‍ത്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha