സയദ് മുഷ്താഖ് അലി ട്വന്റി 20 ക്രിക്കറ്റ് മത്സരത്തില്‍ കേരളത്തിന് തുടര്‍ച്ചയായ അഞ്ചാം ജയം. ശക്തരായ പഞ്ചാബിനെ അഞ്ച് വിക്കറ്റിന് തോല്‍പിച്ച് കേരളം സൂപ്പര്‍ലീഗില്‍ പ്രവേശിച്ചു. കളമശേരി സെന്റ് പോള്‍സ് ഗ്രൗണ്ടില്‍ നടന് മത്സരത്തില്‍ പഞ്ചാബിനെ അഞ്ചു വിക്കറ്റിന് അട്ടിമറിച്ചാണ് കേരളം ആദ്യമായി സൂപ്പര്‍ ലീഗില്‍ കടന്നത്. സഞ്ജു വി സാംസണിന്റെ 72 റണ്‍സിന്റെ മികച്ച പ്രകടനമാണ് കേരളത്തിന് തുണയായത്. ബി ഗ്രൂപ്പില്‍ കേരളത്തിന്റെ തുടര്‍ച്ചയായ അഞ്ചാം ജയമാണിത്.
ഇന്ത്യന്‍ താരങ്ങളായ ഹര്‍ഭജന്‍ സിംഗ്, യുവരാജ് സിംഗ് എന്നിവര്‍ ഉള്‍പ്പെട്ട കരുത്തുറ്റ ടീമാണ് പഞ്ചാബ്. ജാര്‍ഖണ്ഡ്, ജമ്മുകാശ്മീര്‍, ത്രിപുര, സൗരാഷ്ട്ര ടീമുകള്‍ക്കെതിരേയും നേരത്തേ കേരളം ജയിച്ചിരുന്നു. തോല്‍വിയറിയാതെ മുന്നേറുന്ന കേരളം ബി ഗ്രൂപ്പില്‍ സൂപ്പര്‍ ലീഗ് പ്രവേശനം ഉറപ്പിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha