ശ്രീലങ്കയ്‌ക്കെതിരായ രണ്ടാം ട്വന്റി-20യിലും ന്യൂസിലന്‍ഡിനു ജയം. ട്വന്റി-20 ചരിത്രത്തിലെ വേഗമേറിയ രണ്ടാമത്തെ അര്‍ധ സെഞ്ചുറി എന്ന നേട്ടവുമായി കോളിന്‍ മന്റൊ കളംനിറഞ്ഞ മത്സരത്തില്‍ പത്ത് ഓവറും ഒമ്പതു വിക്കറ്റും ശേഷിക്കേ കിവീസ് ജയം സ്വന്തമാക്കി. 14 പന്തില്‍നിന്ന് ഏഴ് സിക്‌സും ഒരു ഫോറും അടക്കം മന്റോ 50 റണ്‍സ് നേടി. സ്‌കോര്‍: ശ്രീലങ്ക 20 ഓവറില്‍ എട്ട് വിക്കറ്റിന് 142. ന്യൂസിലന്‍ഡ് 10 ഓവറില്‍ ഒരു വിക്കറ്റിന് 147. ഇതോടെ പരമ്പര 2-0നു ന്യൂസിലന്‍ഡ് സ്വന്തമാക്കി. ട്വന്റി-20 ചരിത്രത്തിലെ വേഗമേറിയ രണ്ടാമത്തെ അര്‍ധ സെഞ്ചുറി നേടാന്‍ മന്റോയ്ക്ക് വേണ്ടിയിരുന്നത് 16 മിനിറ്റ് മാത്രമായിരുന്നു. 12 പന്തില്‍ അര്‍ധസെഞ്ചുറി നേടിയ ഇന്ത്യന്‍ താരം യുവ്‌രാജ് സിംഗിന്റെ പേരിലാണ് നിലവില്‍ റിക്കാര്‍ഡ്. 14 പന്തില്‍ 357.14 സ്‌ട്രൈക്ക്‌റേറ്റിലാണ് ന്യൂസിലന്‍ഡ് താരം അര്‍ധശതകം തികച്ചത്. 25 പന്തില്‍ 63 റണ്‍സ് നേടിയ മാര്‍ട്ടിന്‍ ഗപ്റ്റിലിന്റെ വിക്കറ്റാണ് ആതിഥേയര്‍ക്ക് നഷ്ടപ്പെട്ടത്. 32 റണ്‍സുമായി കനെ വില്യംസ്ണ്‍ പുറത്താകാതെനിന്നു.
ആദ്യം ബാറ്റ് ചെയ്യാനെത്തിയ ശ്രീലങ്ക 49 പന്തില്‍ 81 റണ്‍സ് നേടി പുറത്താകാതെ നിന്ന എയ്ഞ്ചലോ മാത്യൂസിന്റെ കരുത്തിലാണ് 142ല്‍ എത്തിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha