ഏകദിന ക്രിക്കറ്റ് പരമ്പരയില്‍ രോഹിത് ശര്‍മയ്ക്ക് സെഞ്ച്വറി, വിരാടിന് അര്‍ദ്ധസെഞ്ച്വറി
ഓസ്‌ട്രേലിയയ്‌ക്കെതിരായ ഏകദിന ക്രിക്കറ്റ് പരമ്പരയിലെ ആദ്യ മല്‍സരത്തില്‍ ടോസ് നേടി ആദ്യം ബാറ്റുചെയ്യാനിറങ്ങിയ ഇന്ത്യ മികച്ച നിലയില്‍. 36.3 ഓവറില്‍ ഒരു വിക്കറ്റ് നഷ്ടത്തില്‍ 188 റണ്‍സെടുത്തിട്ടുണ്ട്. സെഞ്ചുറി നേടിയ രോഹിത് ശര്‍മയും അര്‍ധസെഞ്ചുറി പിന്നിട്ട വിരാട് കോഹ്‌ലിയുമാണ് ക്രീസില്‍.
122 പന്തുകളില്‍ നിന്ന് മൂന്ന് സിക്‌സും ഏഴ് ഫോറുമുള്‍പ്പെടെയാണ് രോഹിതിന്റെ സെഞ്ചുറി. ഏകദിന ക്രിക്കറ്റില്‍ രോഹിതിന്റെ ഒന്‍പതാം സെഞ്ചുറിയാണിത്; ഓസ്‌ട്രേലിയന്‍ മണ്ണില്‍ മൂന്നാമത്തെയും. ഒന്‍പത് റണ്‍സെടുത്ത ശിഖര്‍ ധവാന്റെ വിക്കറ്റാണ് നഷ്ടമായത്.
പേസര്‍ ബരിന്ദര്‍ സ്രാന്‍ ഇന്ത്യയ്ക്കായും പേസര്‍മാരായ സ്‌കോട് ബോളന്‍ഡും ജോയല്‍ പാരിസും ഓസ്‌ട്രേലിയയ്ക്കായും അരങ്ങേറ്റം കുറിച്ചു. അഞ്ച് ഏകദിനങ്ങളുടെ പരമ്പരയില്‍ ഒരു മല്‍സരമെങ്കിലും ജയിച്ചില്ലെങ്കില്‍ ഐസിസി റാങ്കിങ്ങിലെ രണ്ടാം സ്ഥാനം ഇന്ത്യയ്ക്ക് നഷ്ടമാകും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
