ഇന്ത്യയ്‌ക്കെതിരായ ഏകദിന പരമ്പരയിലെ ആദ്യ മത്സരത്തില്‍ ആസ്‌ട്രേലിയയ്ക്ക് 310 റണ്‍സിന്റെ വിജയലക്ഷ്യം. ടോസ് നേടി ബാറ്റിംഗ് തിരഞ്ഞെടുത്ത ഇന്ത്യ നിശ്ചിത 50 ഓവറില്‍ മൂന്ന് വിക്കറ്റ് നഷ്ടത്തില്‍ 309 റണ്‍സെടുത്തു. സെഞ്ച്വറി നേടിയ രോഹിത് ശര്‍മ 161 ബോളില്‍ നിന്നാണ് 171 റണ്‍സ്നേടിയത്.ഇതോടെ 37 വര്‍ഷം മുന്‍പുള്ള വീവ് റിച്ചാര്‍ഡ്‌സ് ഓസീസ് മണ്ണില്‍ ഓസിസിനെതിരെ നേടിയ 159 റണ്‍്‌സ് എന്ന റിക്കാര്‍ഡ് പഴങ്കതയായി. 13 ഫോറും 7 സിക്‌സും ഉള്‍പ്പെടുന്നതായിരുന്നു ആ മഹാ ഇന്നിംഗ്‌സ്.
അര്‍ദ്ധ സെഞ്ച്വറി നേടിയ വിരാട് കോഹ്‌ലിയുടെ (91) മികച്ച പിന്തുണ ഇന്ത്യയ്ക്ക് മികച്ച സ്‌കോര്‍ സമ്മാനിച്ചു. 122 പന്തിലാണ് രോഹിത് തന്റെ ഒമ്പതാമത്തെ ഏകദിന സെഞ്ച്വറി കണ്ടെത്തിയത്. 163 പന്തില്‍ 13 ഫോറും ഏഴ് സിക്‌സറും പറത്തിയ രോഹിത് 171 റണ്‍സെടുത്ത് പുറത്താവാതെ നിന്നു. ഒന്പത് ബൗണ്ടറിയും ഒരു സിക്‌സറും പറത്തിയാണ് കോഹ്‌ലി 91 റണ്‍സെടുത്തത്. ശിഖര്‍ ധവാന്‍ (9), എം.എസ്.ധോണി (18) എന്നിവര്‍ക്ക് കാര്യമായ സംഭാവന നല്‍കാന്‍ കഴിഞ്ഞില്ല. രണ്ടാം വിക്കറ്റില്‍ ശര്‍മയും കോഹ്‌ലിയും ചേര്‍ന്ന് 207 റണ്‍സാണ് കൂട്ടിച്ചേര്‍ത്തത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha