ഓസ്‌ട്രേലിയയ്‌ക്കെതിരായ മൂന്നാം ഏകദിനത്തില്‍ ഇന്ത്യയുടെ ശിഖര്‍ ധവാനും വിരാട് കോഹ്‌ലിയും അര്‍ധ സെഞ്ചുറി നേടി. 26 ഓവര്‍ പിന്നിടുമ്പോള്‍ ഇന്ത്യ രണ്ടു വിക്കറ്റ് നഷ്ടത്തില്‍ 134 റണ്‍സ് എടുത്തിട്ടുണ്ട്. വിരാട് കോഹ്‌ലിയും (58) അജിങ്ക്യ രഹാനെയുമാണ് (രണ്ടു റണ്‍സ്) ക്രീസില്‍.
ടോസ് നേടിയ ഓസ്‌ട്രേലിയ ഇന്ത്യയെ ബാറ്റിങ്ങിന് അയയ്ക്കുകയായിരുന്നു. തുടക്കത്തില്‍ തന്നെ ഇന്ത്യയ്ക്ക് ആദ്യ വിക്കറ്റ് നഷ്ടമായി. ആറു റണ്‍സെടുത്ത രോഹിത് ശര്‍മയാണ് പുറത്തായത്. റിച്ചാര്‍ഡ്‌സണിനാണ് വിക്കറ്റ്. തുടര്‍ന്ന് ഇറങ്ങിയ വിരാട്! കോഹ്!ലി ശിഖര്‍ ധവാനുമായി ചേര്‍ന്ന് ഇന്ത്യയുടെ സ്‌കോര്‍ നില ഉയര്‍ത്തി. ഇരുവരും അര്‍ധ സെഞ്ചുറി നേടി. 68 റണ്‍സെടുത്തു നില്‍ക്കെ ജോണ്‍ ഹാസ്റ്റിങ്‌സിന്റെ ബോളില്‍ ശിഖര്‍ ധവാന്‍ പുറത്തായി.
ആദ്യ രണ്ട് ഏകദിനങ്ങളില്‍ ബോളിങ് പിഴവുമൂലം തോല്‍വി നേരിടേണ്ടി വന്ന ഇന്ത്യയ്ക്ക് ഇന്നു മൂന്നാം ഏകദിനം ജീവന്മരണ പോരാട്ടമാണ്. ഇന്നു കൂടി തോറ്റാല്‍ അഞ്ചു മല്‍സര ഏകദിന പരമ്പര ഓസ്‌ട്രേലിയയുടെ പേരിലാവും. പരമ്പരയുടെ ആവേശം അടുത്ത മല്‍സരത്തിലേക്കും കൂടി നീട്ടാനെങ്കിലും ഇന്ത്യയ്ക്ക് ഇന്നു വിജയം അനിവാര്യം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക