ഐപിഎല്‍ പതിനേഴാം സീസണ്‍... മുന്‍ ചാമ്പ്യന്‍മാരായ കൊല്‍ക്കത്ത നൈറ്റ് റൈഡേഴ്സും, സണ്‍റൈസേഴ്‌സ് ഹൈദരബാദും തമ്മില്‍ ഇന്ന് കലാശ പോരാട്ടം
ഐപിഎല്‍ പതിനേഴാം സീസണ്‍... മുന്‍ ചാമ്പ്യന്‍മാരായ കൊല്‍ക്കത്ത നൈറ്റ് റൈഡേഴ്സും, സണ്‍റൈസേഴ്‌സ് ഹൈദരബാദും തമ്മില്‍ ഇന്ന് കലാശ പോരാട്ടം
ചെന്നൈയില്‍ രാത്രി ഏഴരയ്ക്കാണ് മത്സരം നടക്കുക. 66 ദിവസം മുന്‍പ് ഐപിഎല്‍ പൂരത്തിന് കൊടിയേറിയ മഹാനഗരത്തില്‍ തന്നെയാണ് ഇത്തവണ കലാശപ്പോരാട്ടവും. ഇന്നലെ വൈകുന്നേരം മഴ പെയ്തത് ചെറിയൊരു ആശങ്ക ഉയര്‍ത്തുന്നുണ്ടെങ്കിലും ഇന്ന് മഴ പ്രവചനമില്ലാത്തത് ആശ്വാസമേകുന്നു.
ധോണിയുടെ സിഎസ്‌കെ ഇല്ലെങ്കിലും മാറ്റ് കുറയാത്ത കലാശപ്പോരിന് ചെന്നൈ സൂസജ്ജമാണ്. കഴിഞ്ഞ സീസണില്‍ പ്ലേ ഓഫ് പോലും കാണാതിരുന്ന രണ്ട് ടീമുകളാണ് ഇത്തവണ കിരീടപ്പോരില്‍ ഏറ്റുമുട്ടുന്നത്. ചിലര്‍ വന്നതോടെ ചരിത്രം വഴിമാറുമെന്ന് പറഞ്ഞതുപോലെയായിരുന്നു ഇരു ടീമുകളുടെയും ഇത്തവണത്തെ പ്രകടനം.മുന്‍ നായകന്‍ ഗൗതം ഗംഭീറിന്റെ ഉപദേശങ്ങളില്‍ കൊല്‍ക്കത്ത ഉഷാറായപ്പോള്‍ നായകനായി കമിന്‍സ് വന്നതോടെ സണ്‍റൈസേഴ്‌സും കേമന്‍മാരായി കിരീടപ്പോരിന് അര്‍ഹത നേടി.
ഐപിഎല്ലില്‍ കിരീടംങ്ങളുടെ തലയെടുപ്പിലും സീസണിലെ നേര്‍ക്കുന്നര്‍ പോരാട്ടങ്ങളുടെ കണക്കിലും മുന്നിലുള്ളത് കൊല്‍ക്കത്തയാണ്. എന്നാല്‍ ലോകകപ്പില്‍ അപരാജിതരായി മുന്നേറിയ ഇന്ത്യയെയും ആഹമ്മദാബാദിലെ കാണികളെയും നിശബ്ദമാക്കിയ കമിസിനു മുന്നില്‍ ഒന്നും അസാധ്യമല്ല.അതേസമയം സീസണ്‍ തുടക്കത്തില്‍ ചെന്നൈ-പഞ്ചാബ് മത്സരം നടന്ന നാലാം നമ്പര്‍ പിച്ചിലാണ് ഇന്ന് ഫൈനല്‍ മത്സരം നടക്കുന്നത്.
https://www.facebook.com/Malayalivartha
