കൊഹ്ലിയോടുള്ള ആരാധന പാക്ക് ആരാധകന് പണി കിട്ടി
ഇന്ത്യന് താരങ്ങള്ക്ക് പാകിസ്താനില് കടുത്ത ആരാധകരുളളത് സ്വഭാവികമാണല്ലോ എന്നാല് ഒരു പാകിസ്താനി ഇന്ത്യന് ആരാധകന് പറ്റിച്ച പണിയാണ് ഇപ്പോള് മാധ്യമങ്ങള് ചര്ച്ച ചെയ്യുന്നത്. സംഭവം ഇതാണ്.
കൊഹ്ലിയോടുള്ള ആരാധന മൂത്ത്, പഞ്ചാബ് പ്രവശ്യയിലെ ഒകാറ ജില്ലക്കാരനായ ഉമര് ദ്രാസ് തന്റെ വീടിനു മുകളില് ഇന്ത്യന് ദേശീയ പതാക ഉയര്ത്തി. കൊഹ്ലിയോടുള്ള സ്നേഹം പ്രകടിപ്പിക്കാനാണ് ഉമര് ഇങ്ങനെ ചെയ്തതെങ്കിലും പാക് പൊലീസ് ഇയാളുടെ വീട് റെയ്ഡ് ചെയ്തതിനു ശേഷം അറസ്റ്റ് രേഖപ്പെടുത്തുകയായിരുന്നു.
ഇന്ത്യന് റിപ്പബഌക് ദിനമായ ഇന്നലെയായിരുന്നു സംഭവം. ഇയാളെ കോടതിയില് ഹാജരാക്കിയതായും റിമാന്ഡ് ചെയ്തതായും പൊലീസ് അറിയിച്ചു.
പൊലീസ് ചോദ്യം ചെയ്തപ്പോഴാണ് താന് കൊഹ്ലിയുടെ കടുത്ത ആരാധകനാണെന്നും കൊഹ്ലിയുടെ ആരാധകനായതു കൊണ്ടാണ് ഇന്ത്യന് ടീമിനെ പിന്തുണക്കുന്നതെന്നും അതുകൊണ്ട് തന്നെയാണ് ആസ്ട്രേലിയയെ ഇന്ത്യന് ടീം കീഴടക്കിയ ഇന്നലെ ഇന്ത്യയുടെ ദേശീയപതാക വീടിനു മുന്നില് ഉയര്ത്തിയതെന്നും ഉമര് മൊഴി നല്കി. താന് ചെയ്ത കുറ്റത്തിന്റെ ഗൗരവത്തേക്കുറിച്ച് അറിവുണ്ടായിരുന്നില്ലെന്നും മാപ്പ് നല്കണമെന്നും ഇയാള് അഭ്യര്ഥിച്ചു. താന് വിരാടിന്റെ ആരാധകന് മാത്രമാണെന്നും ഇന്ത്യയുടെ ചാരനല്ലെന്നും ഉമര് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
