ദക്ഷിണാഫ്രിക്കയ്‌ക്കെതിരായ ആദ്യ ഏകദിനത്തില്‍ ഇംഗ്‌ളണ്ടിന് വിജയം. മഴ തടസപ്പെടുത്തിയ കളിയില്‍ ഡക്ക് വര്‍ത്ത് ലൂയിസ് നിയമപ്രകാരം 39 റണ്‍സിന്റെ വിജയമാണ് ഇംഗഌ് നേടിയത്. ടോസ് നേടി ആദ്യം ബാറ്റ് ചെയ്ത ഇംഗ്‌ളണ്ട് 50 ഓവറില്‍ 399 എന്ന കൂറ്റന്‍ സ്‌കോറാണ് നേടിയത്. 

ജോസ് ബട്ട്‌ലറുടെ സെഞ്ചുറിയും (76 പന്തില്‍ 105) ബെന്‍ സ്റ്റോക്‌സ് (38 പന്തില്‍ 57), അലക്‌സ് ഹെയില്‍സ് (47 പന്തില്‍ 57), ജോ റൂട്ട് (58 പന്തില്‍ 52) എന്നിവരുടെ അര്‍ധസെഞ്ചുറികളുമാണ് ഇംഗ്ലണ്ടണ്ടിനെ പടുകൂറ്റന്‍ സ്‌കോറിലേക്കെത്തിച്ചത്. ഏകദിന ക്രിക്കറ്റില്‍ ഇംഗ്ണ്ടിന്റെ രണ്ടാമത്തെ ഏറ്റവും ഉയര്‍ന്ന സ്‌കോറാണ് നേടിയത്. 

മറുപടി ബാറ്റിംഗിനിറങ്ങിയ ദക്ഷിണാഫ്രിക്കയ്ക്ക് ക്വിന്റണ്‍ ഡി കോക്കിന്റെ ബാറ്റിംഗ് വെടിക്കെട്ട് വിജയപ്രതീക്ഷ നല്‍കിയെങ്കിലും മഴ വില്ലനായി. 33.3 ഓവറില്‍ 250 റണ്‍സെടുക്കാനേ അവര്‍ക്ക് സാധിച്ചുള്ളു. 96 പന്തില്‍ 138 റണ്‍സുമായി ക്വിന്റണ്‍ ഡി കോക്ക് പുറത്താകാതെ നിന്നു. ഡക്ക് വര്‍ത്ത് ലൂയിസ് നിയമപ്രകാരം 33.3 ഓവറില്‍ 290 റണ്‍സാണ് വിജയിക്കാന്‍ വേണ്ടിയിരുന്നത്. ഡി കോക്കാണ് മത്സരത്തിലെ താരം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha