ക്രിക്കറ്റ് ഇതിഹാസം മാസ്റ്റര്‍ ബ്ലാസ്റ്റര്‍ സച്ചിന്‍ തെണ്ടുല്‍ക്കറുടെ ആത്മകഥ 'പ്ലേയിംഗ് ഇറ്റ് മൈ വേ' ലിംക ബുക്ക് ഓഫ് റെക്കോര്‍ഡില്‍ ഇടം പിടിച്ചു. ഫിഷന്‍നോന്‍ ഫിഷന്‍ വിഭാഗങ്ങളിലായി ഏറ്റവുമധികം വില്‍പ്പനയുള്ള ആത്മകഥാ പുസ്തകം എന്ന വിഭാഗത്തിലാണ് പ്ലേയിംഗ് ഇറ്റ് മൈ വേ ഇടംപിടിച്ചത്.2014 നവംബര്‍ ആറിനാണ് സച്ചിന്റെ ആത്മകഥ പുറത്തിറക്കിയത്. ഇപ്പോള്‍ പുസ്തകം ഫിക്ഷന്‍നോണ്‍ ഫിക്ഷന്‍ വിഭാഗങ്ങളില്‍ സകല വില്‍പന റെക്കോര്‍ഡും ഭേദിച്ച് മുന്നേറുകയാണ്. ഹാച്ചെറ്റ് ബുക്‌സ് പ്രസിദ്ധീകരിച്ച പുസ്തകം ഇതിനകം 1,50,289 കോപ്പികളാണ് വിറ്റഴിഞ്ഞത്.പ്ലേയിംഗ് ഇറ്റ് മൈ വേ ആദ്യദിവസം തന്നെ പ്രീഓര്‍ഡറില്‍ റെക്കോര്‍ഡ് സൃഷ്ടിച്ചിരുന്നു. ലോകോത്തര കൃതികളായ ഡാന്‍ ബ്രൗണിന്റെ ഇന്‍ഫേര്‍ണോ, വാള്‍ട്ടര്‍ ഇസാക്‌സണിന്റെ സ്റ്റീവ് ജോബ്‌സ്, ജെകെ റൗളിംഗിന്റെ കാഷ്വല്‍ വേക്കന്‍സി എന്നീ പുസ്തകങ്ങളുടെ എല്ലാം പ്രീഓര്‍ഡര്‍ റെക്കോര്‍ഡ് സച്ചിന്റെ ആത്മകഥ പിന്തള്ളിയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha