ഏഷ്യാ കപ്പില്‍ യുഎഇക്കെതിരേ ഇന്ത്യയ്ക്ക് 82 റണ്‍സ് വിജയലക്ഷ്യം. ഇന്ത്യന്‍ ബൗളര്‍മാരുടെ തകര്‍പ്പന്‍ പ്രകടനത്തിനു മുന്നില്‍ തകര്‍ന്ന യുഎഇക്ക് 20 ഓവറില്‍ ഒമ്പതു വിക്കറ്റ് നഷ്ടത്തില്‍ 81 റണ്‍സ് മാത്രമാണ് നേടാന്‍ കഴിഞ്ഞത്. യുഎഇ നിരയില്‍ രണ്്ടു പേര്‍ക്കു മാത്രമാണ് രണ്്ടക്കം കടക്കാന്‍ കഴിഞ്ഞത്. 48 പന്തില്‍നിന്നു 43 റണ്‍സ് നേടിയ ഷെയ്മാന്‍ അന്‍വറിനു മാത്രമാണ് ഇന്ത്യന്‍ ബൗളിംഗിനു മുന്നില്‍ പിടിച്ചുനില്‍ക്കാന്‍ കഴിഞ്ഞത്. റോഹന്‍ മുസ്തഫ (11) യാണ് രണ്്ടക്കം കടന്ന രണ്്ടാമത്തെ യുഎഇ ബാറ്റ്‌സ്മാന്‍. യുഎഇ നിരയില്‍ നാലു പേര്‍ പൂജ്യത്തിനു പുറത്തായി. ഇന്ത്യന്‍ ബൗളിംഗ് നിരയില്‍ പന്തെടുത്തവര്‍ക്കെല്ലാം വിക്കറ്റ് കിട്ടി. ഭുവനേശ്വര്‍ കുമാര്‍ രണ്്ടു വിക്കറ്റ് വീഴ്ത്തിയപ്പോള്‍ ബുംറ, പാണ്ഡ്യ, ഹര്‍ഭജന്‍, നെഗി, യുവരാജ് എന്നിവര്‍ ഓരോ വിക്കറ്റ് നേടി. 
നേരത്തെ, ടോസ് നേടിയ യുഎഇ ബാറ്റിംഗ് തെരഞ്ഞെടുക്കുകയായിരുന്നു. ഫൈനല്‍ ഉറപ്പിച്ച ഇന്ത്യ ആശിഷ് നെഹ്‌റ, അശ്വിന്‍,ജഡേജ എന്നിവര്‍ക്ക് വിശ്രമം അനുവദിച്ചാണ് കളത്തിലിറങ്ങിയത്. ഭുവനേശ്വര്‍ കുമാര്‍, പവന്‍ നേഗി, ഹര്‍ഭജന്‍ സിംഗ് എന്നിവര്‍ പകരമെത്തി. യുവരാജ് സിങ്ങിന്റെ 50-ാം ട്വന്റി 20 മല്‍സരമാണ് ഇതെന്ന സവിശേഷതയുമുണ്്ട്. 50 ട്വന്റി20 മല്‍സരങ്ങള്‍ പൂര്‍ത്തിയാക്കുന്ന നാലാമത്തെ ഇന്ത്യന്‍ താരമാണ് യുവരാജ്. ധോണി, റെയ്‌ന, രോഹിത് ശര്‍മ എന്നിവരാണ് യുവരാജിന്റെ മുന്‍പന്‍മാര്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha