ലോകമെമ്പാടും ആരാധകര്‍ ഉള്ള താരമാണ് വിരാട് കോഹ്ലി. പാകിസ്താന്‍ വനിത ക്രിക്കറ്റ് ടീമിനിടയില്‍ ഏറ്റവും പ്രശസ്തനായ താരം ഇന്ത്യന്‍ ഉപനായകന്‍ വിരാട് കോഹ്ലിയാണ്. പാകിസ്താന്‍ വനിത ക്രിക്കറ്റ് ടീം നായികയാണ് ആ വലിയ സത്യം വെളിപ്പെടുത്തിയത്.
തങ്ങള്‍ പലതാരങ്ങളെയും കുറിച്ച് സംസാരിക്കാറുണ്ട്. എന്നാല്‍ തന്റെ ടീം അംഗങ്ങള്‍ക്കിടയില്‍ ഏറ്റവും പ്രിയപ്പെട്ടതാരം വിരാട് കോഹ്ലിയാണെന്ന് പാക് നായിക സന മിര്‍ പറഞ്ഞു. ഐ.സി.സി വനിത ട്വന്റി20 ലോകകപ്പിന് മുന്നോടിയായി നടന്ന കാമ്പയിനിലാണ് അവര്‍ ഇക്കാര്യം പറഞ്ഞത്.
വ്യക്തിപരമായി പറയുകയാണെങ്കില്‍ തനിക്ക് ഏറ്റവും പ്രിയതപ്പെട്ടതാരം ഇന്ത്യന്‍ നായകന്‍ മഹേന്ദ്ര സിംഗ് ധോണിയാണ്. കാരണം അദ്ദേഹമാണ് ഇന്ത്യന്‍ ടീമിനെ നയിക്കുന്നത്. ബൗളിംഗിലും ബാറ്റിംഗിലും വേണ്ട നിര്‍ദേശങ്ങള്‍ നല്‍കി ടീമിനെ നയിക്കാന്‍ അദ്ദേഹത്തിന് സാധിക്കുന്നതാണ് തന്റെ പ്രിയപ്പെട്ടതാരമായ ധോണി മാറിയത്. ജൂനിയര്‍ താരങ്ങളെ പലപ്പോഴും മികച്ച പ്രകടനത്തിലേക്ക് എത്തിക്കാന്‍ ധോണിക്ക് കഴിയുന്നു എന്നും സന മിര്‍ പറഞ്ഞു.
തന്റെ വിരമിക്കല്‍ പ്രഖ്യാപനവും ഇതിനൊപ്പം പാക് വനിത ക്രിക്കറ്റ് ടീം നായിക പ്രഖ്യാപിച്ചു. 30 കാരിയായ സന ട്വന്റി20 ലോകകപ്പിന് ശേഷം വിരമിക്കുമെന്ന് വ്യക്തമാക്കി. നായിക സ്ഥാനം ഒഴിഞ്ഞാലും ടീമിലെ ഒരംഗമായി താന്‍ ടീമിനൊപ്പം ഉണ്ടാവും. അടുത്ത നായികയുടെ കീഴില്‍ ടീം സെറ്റിലാകുന്ന വരെ താന്‍ ടീമില്‍ ഉണ്ടാകുമെന്ന് സന വ്യക്തമാക്കി.
നേരത്തെ കോഹ്ലിയുടെ പാക് ആരാധകനെ പാകിസ്താന്‍ ശിക്ഷിച്ചത് വാര്‍ത്തയായിരുന്നു. കോഹ്ലിയുടെ പ്രകടനം കണ്ട് ആഹ്ലാദത്തില്‍ വീടിന് മുന്നില്‍ ഇന്ത്യന്‍ പതാക ഉയര്‍ത്തിയ ഉമര്‍ ദ്രാസ്(22) എന്ന യുവാവിനെയാണ് രാജ്യവിരുദ്ധ കുറ്റം ആരോപിച്ച് പാകിസ്താന്‍ ശിക്ഷിച്ചത്. ഇയാള്‍ക്ക് പിന്നീട് ജാമ്യം ലഭിച്ചിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha