ലോക ട്വന്റി 20യിലെ ആദ്യമത്സരത്തില്‍ നേരിട്ട പരാജയത്തില്‍ ബാറ്റ്‌സ്മാന്‍മാരെ പഴിചാരി ധോണി. നാഗ്പൂരില്‍ നടന്ന മത്സരത്തില്‍ ന്യൂസിലാന്റിനോട് 47 റണ്‍സിലാണ് ഇന്ത്യ തോല്‍വി ഏറ്റുവാങ്ങിയത്. 18.1 ഓവറില്‍ 79 റണ്‍സ് നേടി ഇന്ത്യന്‍ ബാറ്റ്‌സ്മാന്‍മാര്‍ ന്യൂസിലാന്റ് സ്പിന്നര്‍മാര്‍ക്കു മുമ്പില്‍ അടിയറവു പറഞ്ഞിരുന്നു. സ്വന്തം മണ്ണില്‍ ഇന്ത്യയുടെ ഏറ്റവും കുറഞ്ഞ ട്വന്റി 20 സ്‌കോറാണിത്. കഴിഞ്ഞവര്‍ഷം കട്ടക്കില്‍ ദക്ഷിണാഫ്രിക്കയ്‌ക്കെതിരായ മത്സരത്തില്‍ നേടിയ 92 റണ്‍സായിരുന്നു ഇതുവരെയുള്ള ഇന്ത്യയുടെ ട്വന്റി 20യിലെ ഏറ്റവും കുറഞ്ഞ സ്‌കോര്‍. മികച്ച സ്‌കോര്‍ നേടുന്നതില്‍ നിന്നും അവരെ തടയാന്‍ ഞങ്ങള്‍ക്കായി. എന്നാല്‍ ബാറ്റിങ് ഞങ്ങളെ തളര്‍ത്തി. ഷോട്ട് സെലക്ഷന്‍ വരുന്ന ബാറ്റ്‌സ്മാന്‍മാരില്‍ വലിയ സമ്മര്‍ദ്ദമുണ്ടാക്കി. മധ്യനിരയില്‍ പാട്‌നര്‍ഷിപ്പ് ഉണ്ടായില്ല. ധോണി പറയുന്നു.
അവര്‍ നന്നായി ബോള്‍ ചെയ്തു. ഞങ്ങള്‍ക്ക് അതിനോട് ഇണങ്ങിച്ചേരാനായില്ല. ലോകകപ്പിന് മുമ്പുള്ള 11 ട്വന്റി 20 മത്സരങ്ങളില്‍ 10ലും വിജയം നേടി ഉജ്വല ഫോമിലായിരുന്ന ഇന്ത്യ. ഇതിനു തൊട്ടുമുമ്പു നടന്ന ഏഷ്യകപ്പില്‍ കിരീടനേട്ടത്തോടെയാണ് ഇന്ത്യ മടങ്ങിയത്. അതുകൊണ്ടുതന്നെ ഏറെ പ്രതീക്ഷയോടെയാണ് ന്യൂസിലാന്റിനെതിരായ മത്സരത്തെ ആരാധകര്‍ കണ്ടത്. പക്ഷെ കിവീസിന്റെ സ്പിന്നിനു മുമ്പില്‍ വിയര്‍ക്കുന്ന ഇന്ത്യന്‍ ബാറ്റ്‌സ്മാന്‍മാരെയാണ് ഗ്രൗണ്ടില്‍ കണ്ടത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha