ട്വന്റി -20 ലോകകപ്പിലെ ഗ്രൂപ്പ് രണ്ടിലെ നിര്‍ണായക മത്സരത്തില്‍ ഇന്ത്യ, ഇന്നു കരുത്തരായ ഓസ്‌ട്രേലിയയെ നേരിടും. ഇരുടീമിനെയും സംബന്ധിച്ച് ഇതു ക്വാര്‍ട്ടര്‍ ഫൈനലാണ്. ജയിക്കുന്ന ടീം സെമിയില്‍ കടക്കും. മൂന്നു മത്സരങ്ങളില്‍നിന്ന് ഇരുടീമിനും നാലു പോയിന്റ് വീതമാണുള്ളത്. റണ്‍റേറ്റില്‍ ഓസ്‌ട്രേലിയയാണ് രണ്ടാമതെങ്കിലും ഈ മത്സരത്തില്‍ റണ്‍റേറ്റ് പ്രസക്തമല്ല. ജയം മാത്രം ലക്ഷ്യം. മഴമൂലം മത്സരം തടസപ്പെട്ടാല്‍ ഓസ്‌ട്രേലിയയാകും ന്യൂസിലന്‍ഡിനൊപ്പം ഗ്രൂപ്പില്‍നിന്നു സെമിയിലെത്തുക.

സ്വന്തം നാട്ടില്‍ നടക്കുന്ന ടി20 ലോകകപ്പില്‍ കിരീടം നേടാന്‍ ഏറ്റവുമധികം സാധ്യത കല്പിക്കപ്പെട്ട ടീം ഇന്ത്യയായിരുന്നു. എന്നാല്‍, ആദ്യമത്സരത്തില്‍ത്തന്നെ ന്യൂസിലന്‍ഡിനോടു പരാജയപ്പെടാനായിരുന്നു വിധി. പിന്നീടുള്ള മത്സരങ്ങളില്‍ പാക്കിസ്ഥാനെ പരാജയപ്പെടുത്തിയപ്പോള്‍ ബംഗ്ലാദേശിനോട് ഒരു റണ്ണിനു കഷ്ടിച്ചു തടിതപ്പി. ഓസ്‌ട്രേലിയയാകട്ടെ, പാക്കിസ്ഥാനെയും ബംഗ്ലാദേശിനെയും തകര്‍ത്തു തരിപ്പണമാക്കിയപ്പോള്‍ ന്യൂസിലന്‍ഡിനോടു പരാജയപ്പെട്ടു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha