വാട്സനെ തെറിവിളിച്ചു; ജഡേജയ്ക്ക് പിഴ
ബാംഗ്ലൂരില് നടന്ന ഇന്ത്യ-ഓസ്ട്രേലിയ അവസാന മത്സരത്തിനിടെ ഷെയിന് വാട്സനെ തെറിവിളിച്ചതിന് ഓള് റൗണ്ടര് രവീന്ദ്ര ജഡേജക്ക് പിഴ. മാച്ച് ഫീയുടെ 10 ശതമാനമാണ് പിഴചുമത്തിയിരിക്കുന്നത്. മാച്ച് റഫറി ആന്ഡി പിക്രോഫ്റ്റ് ആണ് ജഡേജക്ക് പിഴ വിധിച്ചത്.
വാട്സന് പുറത്തായ ശേഷം ഗ്രൗണ്ടിന് പുറത്തേക്ക് നടക്കുമ്പോള് ജഡേജ തെറിവിളിക്കുകയായിരുന്നു. ഐ.സി.സി 2.1.4 കോഡ് പ്രകാരമാണ് പിഴചുമത്തിയിരിക്കുന്നത്. സംഭവത്തില് ജഡേജ മാപ്പുപറഞ്ഞതിനാല് ശിക്ഷയില് ഇളവു ലഭിക്കുകയായിരുന്നു. സാധാരണ ഇത്തരത്തിലുള്ള നിയമ ലംഘനത്തിന് മാച്ച് ഫീയുടെ 50 ശതമാനം വരെ പിഴ ചുമത്താറുണ്ട്.
മത്സരത്തിന്റെ ഇരുപത്തി ഒമ്പതാം ഓവറിനിടയിലാണ് സംഭവം നടന്നത്. തുടര്ന്ന് ഫീല്ഡ് അമ്പയര് ജഡേജയോട് ഉത്തരവാദിത്തത്തോടെ പെരുമാറണമെന്ന് ആവശ്യപ്പെട്ടു. തെറ്റുമനസിലാക്കിയ ജഡേജ മാപ്പുപറയുകയായിരുന്നു.
https://www.facebook.com/Malayalivartha
